Maleachi 1:4 - O Debleskro Lab 2024 (Sinte-Manouche)

⁴ Te penenn ninna leskre čave, kol Edomarya: Ninna te van mare forya paash dino, mer čivah len neves pre, palle penau me, o baro Devel, ko ray pral o bolepen oun i phoub: Ninna te čivenn le kol forya pale pre, me dau halauter pale paash. Oun vavar menshe penenn pral lende čilačo them oun kalla hi menshe, pral kolende o baro Devel pes rhoyrella an hako tsiro.

O Debleskro Drom 2021 (Sinte)

⁴ Te penenn ninna leskre tchawe, kol Edomarja: ‘Ninna te wan mare forja paash dino, mer tchiwah len newes pre’, palle penau me, o baro Dewel, ko rai pral o bolepen un i phub: ‘Ninna te tchiwenn le kol forja pale pre, me dau halauter pale paash.’ Un wawar menshe penenn pral lende ‘tchilatcho them’ un ‘kalla hi menshe, pral kolende o baro Dewel pes choirella an hako tsiro’.

Maleachi 1:4 ပူးပေါင်းရင်းမြစ်များ

Hiob 12:14

Kova, hoy yob tele phagas, nay čivell kek pale pre. Kones yob dren pandas, koleske nay krell kek pale pre.

Hiob 34:29

Te rikrell pes o Devel pale, nay penell kek leske: Tou anal doosh ap toute! Te khatrell lo pes, nay dikell les kek. Hoy nay krenn i menshe, hoy nay krell i natsyona,

Hiob 9:4

O Devel hi gosevo an peskro dji oun les hi bari zoor. Kekeske, kay las pes glan te čingrell lo leha, djas kova mishto.

Debleskri gili 127:1

I gili o Salomestar te givell ap o drom an Yerusalem. Te krell o baro Devel gar o kheer, palle boudrenn i boudepangre čičeske. Te dell o baro Devel gar yak ap o foro, palle hi čičeske, te denn morsha yak ap o foro.

Debleskri gili 137:7

Baro Devel, ma biste gar, hoy i Edomarya kran, har yon ap ko dives gole dan an i Yerusalem: “Phagenn o foro tele! Phagenn les tele bis ap o telstouno bar!”

Debleskri gili 33:10

O baro Devel moukell kova gar te vell, hoy kol menshe an i vavar themma kamenn te krell. Lenge čivell lo barra an o drom.

Gosewe laba 21:30

Kote dell kek gosvepen, či hoy yek feteder nay djinals oun penals, har nay krell o baro Devel.

Jesaja 10:4

Te han gar mank kolende, kay moulo dino van, ačell t'menge či pral, har te čivenn t'men glan tele kolentsa, kay pandle van. Oun pral kova lauter moukell o Debleskri rholi t'mendar gar tele, oun leskro vast ačell pre hadedo, te dell lo t'men i phagi.

Jesaja 11:14

Palle djan le khetne bari zoryah ap i Filistarya, kay kote djivenn, kay o kham tele djal. Oun khetne randenn le kolen vin, kay an i themma djivenn, kay o kham pre djal. I themma Edom oun Moab lenn le dren. Oun i Ammonarya hounte krenn, hoy yon penenn.

Jesaja 34:10

hoy rhačell dives oun rati. Oun koy yag djal gar vin. Oun latar djal i kalo dourho pre an o bolepen hako tsiro. Oun kek nay djivell bouder an ko them yaake rah har menshe koy hi, oun kek djal pral vergel an i vavar them an kek tsiro.

Jesaja 34:5

Miro rharo kras peskri boudi ap o bolepen. Kanna moukau les tele te perell ap o them Edom, oun ap leskre menshende, kolen pengri phagi dau oun len marau.

Jeremia 31:17

Tire čave, kay pal toute venna, venn pale khere. Oun boud lačepen vell ap lende.

Jeremia 49:20

Shounenn, hoy o baro Devel peske glan las, te krell lo ap i Edomarya, oun hoy kamell lo te krell i menshentsa an o foro Teman. Čačepah, yon halauter venn krik tradedo har bakre, ninna lengre tikne čave venn krik tserdedo. Hakeneske, kay dikell kova, ačell o rakepen krik.

Jeremia 49:7

Laba pral i Edomarya. Kava penell o baro Devel, ko ray pral o bolepen oun i phoub: Hi kanna bouder kek gosvepen an o foro Teman? Djinenn i goseve bouder gar, hoy te krenn le? Tserdas pes o gosvepen lendar krik?

Jeremia 49:8

T'mer menshe an o foro Dedan! Nashenn t'menge sik, khatrenn t'men tele an i phoub! Me anau i bibarht pral kolende, kay venn pal o Esau, Kanna dau len pengri phagi.

Jeremia 5:17

Yon rhan tiro djob oun tiro maro, tire čaven, tire čen, tire bakren oun groumyen, tire drake, tire faygetikre rouka. T'mer patsenn, te djal t'menge či an t'mare zorele forya. Kolen lenn yon t'mendar o rhareha krik.

Ropaskre gilja 3:37

Koon hi kova, kay penas Kova te vell oun yaake vas. Hi kova gar o Devel, kay penell, te vell čomone?

Ezekiel 11:10

T'mer venn o rhareha moulo dino. Kate an o them Israel dau t'men t'mari phagi. Oun t'mer dikenn oun hayvenn, te hom me o baro Devel.

Ezekiel 25:13

Doleske penau me, o baro Devel, t'maro ray: Me hadau miro vast, te dap o them Edom peskri phagi. Menshe oun firhe venn moulo dino. Kek ačell djido an o tselo them mank kol forya Teman oun Dedan. I tsele menshe merenn an o kourepen.

Ezekiel 25:14

Mire menshe Israel hi kolla, kay denn i Edomaryen pengri phagi. I Israelitaryen moukau lentsa yaake trouyel te djal, te vell miri bari zoreli rholi ap lende. Oun i Edomarya dikenn oun hayvenn, kay me kova hom, kay anell lengro čilačepen pale ap lengre sherya. Kova penell o baro Devel, maro ray.

Ezekiel 26:14

Me krau, te vess i nango baro bar, ap koleste i mačengre pengre gone vin čivenn. Oun tou vess bouder gar neves kerdo. Kava penom me, o baro Devel, t'maro ray.

Ezekiel 35:4

Tire foryendar ačell či har barra pral. O tselo them vell i moulo them. Palle dikeh oun hayveh, te hom me o baro Devel.

Ezekiel 35:9

Hako tsireske vess i moulo them. An tire forya djivell bouder kek. Palle dikenn oun hayvenn t'mer, te hom me o baro Devel.

Amos 1:11

O baro Devel penell: I menshe an o them Edom kran pale te pale djoungelo koova. Lengre phralen, i Israelitaryen lan le palla o rhareha, oun len his kek dji lenge. Hako tsiro hi le rhoyedo ap lende oun moukenn gar tele lengri rholyah. Doleske lenn le pengri phagi, oun khaytenn man gar.

Amos 3:15

Me dau lengre niyalengre khera khetne, oun ninna lengre vendengre khera. Oun khetne perenn kol khera, hoy shoukar kerdo hi i dandentsa foun i elefante; hako baro kheer vell paash dino, penell o baro Devel.

Amos 5:11

Kova krenn t'mer: I čorvelen rikrenn tele, oun lenn lendar boudeder djob har čačo hi. Doleske vell yaake: An kol shoukar neve khera, hoy t'menge kran, djivenn t'mer gar. Oun i mool kol neve drakengre roukendar, hoy an i phoub čivan, piyenn t'mer gar.

Amos 6:11

Djinenn: O baro Devel, te penell yob: O baro kheer hounte perell khetne, palle perell lo khetne. Oun te penell yob: O tikno kheer hounte perell an kotya, palle perell lo an kotya.

Amos 6:2

[T'mer penenn ap i menshende:] Djan an o foro Kalne! Oun dikenn, har ko foro hi! Oun kotar djan doureder pash o baro foro Hamat! Palle djan tele pash i Filistarya an o foro Gat! Hi le zorleder har kal themma Youda oun Israel? Hi lengro them bareder har t'maro them? Na-a!

Obadja 1:1

Kova hi, hoy o Obadya dikas. Kava penell o baro Devel, maro ray, pral o them Edom: O baro Devel bičras peskro bičepaskres pash i menshende an vavar themma. Oun mer shounam, har yob penas: Stenn pre! Mer djas an o kourepen oun kouras men i menshentsa an o them Edom!

Obadja 1:10

Tou kral djoungelo koova ap tiro phraleste, o Yakobeste! Doleske vell i ladj ap toute, oun tou vess yaake khetne stakedo, te stess bouder gar pre!

Maleachi 1:3

o Esaes kamau me gar. Oun krom, te vas leskro them, kay boud berge hi, har i moulo them, kay i divye djoukle djivenn.

Mateo 12:30

Koon gar ap miri rig hi, kova hi ap ko vavareskri rig. Oun koon gar i menshe pash mande anella, kova tradell len mandar.