Maleachi 1:3 - O Debleskro Lab 2024 (Sinte-Manouche)

³ o Esaes kamau me gar. Oun krom, te vas leskro them, kay boud berge hi, har i moulo them, kay i divye djoukle djivenn.

O Debleskro Drom 2021 (Sinte)

³ o Esaes kamau me gar. Un krom, te was leskro them, kai bud berge hi, har i mulo them, kai i diwje djukle djiwenn.

Maleachi 1:3 ပူးပေါင်းရင်းမြစ်များ

1. Mose 25:23

O baro Devel penas ap late: “Tou veh i day douy čavendar. Kol douyendar venna boud menshe, yaake boud, kay hakenestar yek natsyona vella. Ko terneder vell zorleder har ko phoureder oun vell o ray pral leste.”

Jesaja 35:7

Kote, kay yaake tato his, vell pani khetne oun ačell tardo. Oun kote, kay yaake trouk his, krenn panya i phoub sapeno. Kote, kay i divye djoukle čiddo his, vell panyeskro khass oun shilftikro khass.

Jeremia 49:10

Me dom o kheer Esau an lengre vasta, oun čakrom lengro khatepen pre, te nay khatrenn le pen gar. Lengre čave, lengre phrala oun kol menshe, kay djivan lentsa khetne, venn maredo. Oun kek lendar hi koy, kay nay penell:

Jeremia 49:20

Shounenn, hoy o baro Devel peske glan las, te krell lo ap i Edomarya, oun hoy kamell lo te krell i menshentsa an o foro Teman. Čačepah, yon halauter venn krik tradedo har bakre, ninna lengre tikne čave venn krik tserdedo. Hakeneske, kay dikell kova, ačell o rakepen krik.

Jeremia 49:33

O them Hazor vell i moulo them hako tsireske. Divye djoukle djivenn koy, oun bouder kek menshe. Kek mensho krell pes kote i kheer.

Jeremia 49:7

Laba pral i Edomarya. Kava penell o baro Devel, ko ray pral o bolepen oun i phoub: Hi kanna bouder kek gosvepen an o foro Teman? Djinenn i goseve bouder gar, hoy te krenn le? Tserdas pes o gosvepen lendar krik?

Jeremia 49:8

T'mer menshe an o foro Dedan! Nashenn t'menge sik, khatrenn t'men tele an i phoub! Me anau i bibarht pral kolende, kay venn pal o Esau, Kanna dau len pengri phagi.

Jeremia 51:37

Či te ačell o forestar Babilon har barra, oun divye djoukle djivenn kote. Kolenge, kay dikenn ko foro, ačell o rakepen krik i trashatar. O foro vell lenge sapaske. Oun kek mensho djivell bouder kote.

Jeremia 9:11

Me poučom: Baro Devel, hoske rhačell ko them oun vell moulo, yaake kay nay djal kek bouder koy trouyel? Koon hi gosevo oun hayvell kova? Ap koneste penal tou kova, yaake te penell yob kova i vavarenge?

Ropaskre gilja 4:22

T'mer an o foro Sion, palle hi t'mari doosh t'mendar krik lino! O baro Devel moukell t'men bouder gar pandles krik te anell. Palle anell yob t'mari doosh, t'mer Edomarya, ap t'mare sherya pale, oun čakrell ko čilačo koova pre, hoy kran.

Ezekiel 36:7

Doleske penau me, o baro Devel, t'maro ray: Me hadau miro vast oun dau man sovel: Čačepah, kol vavar menshe, kay djivenn an i themma troul t'mende, yon hi kolla, kay venn praasedo vavarendar.

Ezekiel 36:9

T'mer dikenn: Me hom ap t'mari rig, oun dikau lačes ap t'mende. Oun ap t'mende boudrenn pale harhe oun vitsrenn djob vin ap i phoub.

Obadja 1:10

Tou kral djoungelo koova ap tiro phraleste, o Yakobeste! Doleske vell i ladj ap toute, oun tou vess yaake khetne stakedo, te stess bouder gar pre!

Louka 14:26

“Koon pash mande vella, oun kamell peskro dades, peskri dat, peskri romyat, peskre čaven, peskre phralen, peskre phenyen, oun peskro djipen boudeder har man, kova nay vell gar miro maal.