Louka 9:56 - O Debleskro Lab 2024 (Sinte-Manouche)

⁵⁶ Oun yon djan an i vavar gab.

O Debleskro Drom 2021 (Sinte)

⁵⁶ Un jon djan an i wawar gab.

Louka 9:56 ပူးပေါင်းရင်းမြစ်များ

Mateo 18:10

Ma čivenn kol tiknen ap i rig, har te vans le či moldo. Me penau t'menge: I bolepangre, kay ap lende yak denna, kolla nay djana hako tsiro glan miro dadeste an o bolepen, te mangenn le les lenge.

Mateo 18:11

O Mensheskro Čavo vas ap i phoub, te anell lo kolen ap o Debleskro drom pale, kay nashedo hi.

Mateo 20:28

Ninna o Mensheskro Čavo vas gar ap i phoub, te boudrenn i menshen leske. Na-a. Yob vas ap i phoub, te vell lo lenge koy, oun te merell lo boudenge. Oun yaake lell lo len dran o čilačepen oun o merepen vin.”

Mateo 5:39

Me penau t'menge: Ma hadenn t'maro vast ap koleste, kay kras t'men čilačo koova! Te das touke yek ap i čači čam, koleske rike ninna i servi koy, te dell lo tout!

Louka 19:10

O Mensheskro Čavo vas, te rodell lo kolen, kay nashedo hi, oun te anell lo kolen ap o Debleskro drom, kay ap o čilačo drom hi.”

Louka 22:51

Koy penas o Yezous: “Mouk tele! Kanna hi doha!” Oun yob čivas peskro vast ap o kand ko morshestar, oun kras les sasto.

Louka 23:34

Koy penas o Yezous: “Miro dad, le i doosh kolendar krik, kay man ap o troushel dan! Yon djinenn gar, hoy yon kran.” Oun i lourde khelan pral leskre koola, te dikenn le, hoy hakeno lella.

Louka 9:55

O Yezous rissras pes trouyel, oun čingras ap lende.

Louka 9:57

Oun har yon ap o drom his, penas i morsh ap o Yezouseste: “Me kamau touha te djal, kay tou ninna djah.”

Johanni 10:10

Ko čorepaskro vella, te čorell lo kol bakren, te marell lo len, oun te rhal lo len. Me vom, te dap len o djipen, boudeder har doha.

Johanni 12:47

Te shounell yek mire laba oun krell gar, hoy me penom, hom gar me, kay rakrau i phagi pral koleste vin. Me vom gar ap i phoub, te dap i menshen i phagi. Me vom, te lap len dran o čilačepen oun o merepen vin.

Johanni 3:17

O Devel bičras peskro čaves gar ap i phoub, te anell yob o Debleskri rholi pral i menshende. Yob vas, te lell lo len dran o čilačepen oun o merepen vin.

Remarja 12:21

Ma mouk o čilačepen o ray pral toute te vell! Mouk o lačepen zorleder te vell har o čilačepen!

1. Timoteo 1:15

Hi čačo, hoy kanna penau. Oun t'mer nay patsenn man: Maro ray, o Yezous Kristo, vas ap kay phoub, te anell lo kolen ap o drom pash o Debleste, kay dour lestar an o čilačepen djivenna. Kolendar hom me o djoungleder.