Louka 9:22 - O Debleskro Lab 2024 (Sinte-Manouche)

²² Oun yob penas: “Me, o Mensheskro Čavo, hounte lap boud douka ap mande. I bare rashaya oun i biboldengre phoureder oun čačepangre čivenn man ap i rig. Oun me hounte vap moulo dino, oun pal triin divessa krell man o Devel djido.”

O Debleskro Drom 2021 (Sinte)

²² Un job penas: “Me, o Mensheskro Tchawo, hunte lap bud duka ap mande. I bare rashaja un i biboldengre phureder un tchatchepangre tchiwenn man ap i rig. Un me hunte wap mulo dino, un pal triin diwessa krell man o Dewel djido.”

Louka 9:22 ပူးပေါင်းရင်းမြစ်များ

1. Mose 3:15

Tou oun koy romni, t'men hi rholi yek ap o vavareste. Ninna tire čaven hi rholi ap lakre čavende. Oun lakre čaven hi rholi ap tire čavende. Yek lakre čavendar stakrell tiro shero khetne. Oun tou dandreh les an leskri heri.”

Daniel 9:26

Oun pal kol efta kope 62 (shob-deesh-te-douy) bersha vell ko ray maredo, kay o Deblestar bičedo vas. Oun kek his ap leskri rig tardo. Oun palle venna lourde yek rayestar, kay gomme vella, oun denn o fores oun o Debleskro kheer paash. Oun yon djan tele har an i baro pani. Oun yaake rah har i phoub gomme koy hi, ačell kourepen oun marepen. Kova hi i vi-kerdo koova.

Zakarie 13:7

O baro Devel, ko ray pral o bolepen oun i phoub, penell: “Miro rharo, hade tout! Dja ap o bakrengro pre, kay mange boudrella, ap koleste, kay pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro vast.”

Mateo 17:12

Čačepah, me penau t'menge: O Eliya vas pale. Yon prindjran les gar, oun kran leha, hoy yon kaman. Oun yaake hounte lell ninna o Mensheskro Čavo boud douka ap peste.”

Mateo 17:22

Oun o Yezous djas peskre malentsa an o them Galilea trouyel. Ap o drom penas lo ap lende: “O Mensheskro Čavo vell an i menshengre vasta dino.

Mateo 27:63

oun penan ap leste: “Ray, menge djas an maro shero trouyel, te penas ko rhorheno, har yob djivas: Pal triin divessa krell o Devel man djido.

Markus 8:31

Oun o Yezous penas peskre malenge: “O Mensheskro Čavo hounte lell boud douka ap peste. Oun i biboldengre phoureder oun čačepangre oun i bare rashaya čivenn les ap i rig. Oun yob hounte vell maredo. Oun pal triin divessa stell lo pale i moulendar pre.”

Markus 9:31

Oun yob penas peskre malenge: “O Mensheskro Čavo vell an i menshengre vasta dino, oun yon marenn les. Oun ap o triinto dives pal leskro merepen, stell yob pale i moulendar pre.”

Louka 17:25

Glan ko tsiro hounte lell lo boud douka ap peste. Oun i menshe, kay kava dives djivenna, čivenn les ap i rig.

Louka 24:26

Kolla penan: O Kristo, ko baro ray, kones o Devel bičras, hounte las douka ap peste, te djas lo an peskro raylepen.”

Louka 24:44

Oun yob penas: “Har me pash t'mende homs, penom me ap t'mende: Halauter hounte vell čačo, hoy o Mose činas, oun hoy o Debleskre rakepangre pral mande penan, oun hoy an o Debleskre gilya činlo hi.”

Louka 24:7

Yob penas t'menge: O Mensheskro Čavo hounte vell an i čilače vasta dino, oun ap o troushel dino. Oun pal triin divessa stell lo i moulendar pre.”

Louka 9:44

“Ma bistrenn, hoy me t'menge penau: Me, o Mensheskro Čavo, vau an i menshengre vasta dino!”

1. Korintarja 15:4

Oun yob vas paskedo, oun vas djido pal triin divessa, yaake har kova an o Debleskro lab činlo hi.

1. Petro 1:11

Yon kaman ninna ko tsiro te djinell, kay kova vella. O Yezouseskro Dourho his an lende. Oun kova sikras len kol douka, hoy venna pral o Yezouseste, oun ko raylepen, hoy lell lo pal kova.