Louka 9:18 - O Debleskro Lab 2024 (Sinte-Manouche)

¹⁸ His i dives, kote his o Yezous kokres peskre malentsa, oun mangas o Debles an. Oun pal kova poučas lo lendar: “Hoy penenn kol menshe, koon me hom?”

O Debleskro Drom 2021 (Sinte)

¹⁸ His i diwes, kote his o Jesus kokres peskre malentsa, un mangas o Debles an. Un pal kowa putchas lo lendar: “Hoi penenn kol menshe, koon me hom?”

Louka 9:18 ပူးပေါင်းရင်းမြစ်များ

Mateo 14:23

Palle djas yob peske kokres ap i berga, te rakrell lo peskro dadeha an o bolepen. Har i rat vas, his lo kote kokres.

Mateo 26:36

Oun palle djas o Yezous peskre malentsa an i baar, hoy kharella Getsemani. Oun yob penas ap lende: “Beshenn t'men kate! Me djau kote, te rakrap o Debleha.”

Louka 11:1

Yek dives, har o Yezous o Debleha rakras, penas yek peskre malendar ap leste: “Sike men, har te rakras o Debleha! Ninna o Yohanni sikras peskre malende, har yon hounte rakrenn o Debleha.”

Louka 3:21

Ap ko tsiro, kay taufras o Yohanni kol tsele menshen, vas ninna o Yezous pash leste, oun moukas pes lestar te taufrell. Oun har o Yezous o Debles an-mangas, djas o bolepen pre.

Louka 6:12

His i dives, kay djas o Yezous ap i berga, te rakrell lo o Debleha. Oun yob ačas i tseli rat oun rakras leha.

Louka 9:19

Penan le leske: “Yon penenna, kay tou hal o Yohanni, kova, kay taufras i menshen. Vavar penenn: Kova hi o Eliya. Oun pale vavar penenn: Yek kol phoure Debleskre rakepangrendar stas i moulendar pre.”

Louka 9:28

Pal orhta divessa las o Yezous o Petres, o Yohannes, oun o Yakobes, oun djas lentsa ap i berga, te rakrell lo o Debleha.

Louka 9:29

Oun har yob rakras o Debleha, dikas peskro mouy vavarčandes vin, oun leskre koola van rayles biyalo.