Louka 8:54 - O Debleskro Lab 2024 (Sinte-Manouche)

⁵⁴ Oun o Yezous tapras lakro vast, oun penas ap late: “Čay, ste pre!”

O Debleskro Drom 2021 (Sinte)

⁵⁴ Un o Jesus tapras lakro wast, un penas ap late: “Tchai, ste pre!”

Louka 8:54 ပူးပေါင်းရင်းမြစ်များ

Jeremia 31:32

Kova hi gar har kova, hoy lengre phourentsa vin krom, har lom len pash o vast oun lom len dran o them Egiptia. Kol laba, hoy lende dom, te rikrenn le pen ap lende, phagan le, ninna te hom me lenge i lačo ray.

Mateo 9:25

Har kol tsele menshe vin glan o kheer his, djas lo dren, tapras koy čakro vast, oun koy čay djivas pale, oun stas pre.

Markus 1:31

Oun yob vas pash late, tapras lat pash o vast oun kras, te stell li pale pre. Oun o nasslepen djas latar. Oun yoy anas lenge i rhapen.

Markus 8:23

Oun yob las koles, kay dikas nay gar, pash o vast, oun anas les vin glan o gab. Palle čivas lo čounger ap leskre yaka, čivas peskre vasta ap leste, oun poučas lestar: “Dikeh tou čomone?”

Markus 9:27

O Yezous tapras les pash o vast, oun moukas les pre te stell. Oun yob stas pre.

Louka 8:51

Oun o Yezous djas an ko kheer. Oun o Yohanni oun o Petro oun o Yakobo djan leha. Oun o čakro dad oun lakri day djan ninna lentsa. Oun o Yezous moukas kek vavares an kava kheer dren te djal.

Louka 8:53

Yon djinan, te meras li, oun san pral leste.

Louka 8:55

Koy vas pale djipen an late, oun yoy stas pre. Oun yob penas, te anenn le lake čomone te rhal.

Johanni 11:43

Har yob kova penas, das lo zoreles gole: “Lazaro, am vin!”

Johanni 5:21

Har o dad i moulen pre djangrella, oun dell len o nevo djipen, yaake nay dell ninna o čavo o nevo djipen, kones yob kamella.

Bičepangre 9:40

Oun o Petro tradas len vin, djas ap i čanga glan o Debleste, mangas o Debles, oun djas pash koy mouli djouvyate oun penas: “Tabita, ste pre!” Koy kras yoy peskre yaka pre. Har yoy o Petres dikas, beshas pes li pre.

Remarja 4:17

Yaake hi činlo an o Debleskro lab: Me krom tout o dad boud menshendar an boud themma. O Abraham dikas ap o Debleste oun patsas, te nay krell o Devel i moulen djido, oun nay krell kova, hoy gomme gar koy his.