Louka 8:28 - O Debleskro Lab 2024 (Sinte-Manouche)

^28-29 Boud kope tapras les o beng. Oun i menshe pandan les sasterne shellentsa ap i vasta oun ap i pire. Yob phagas kol sasterne shelle pestar tele. Oun o beng tradas les an o moulo them. Har ko morsh kanna o Yezouses dikas, vitsras pes lo glan leste ap i phoub. Oun o Yezous penas zoreles ap o bengeste: “Dja lestar vin!” Koy das yob bari gole: “Yezous, čavo o baro Deblestar, hoy kameh tou mandar? Me mangau tout: Ma douke man!”

O Debleskro Drom 2021 (Sinte)

^28-29 Bud kope tapras les o beng. Un i menshe pandan les sasterne shellentsa ap i wasta un ap i pire. Job phagas kol sasterne shelle pestar tele. Un o beng tradas les an o mulo them. Har ko mursh kanna o Jesuses dikas, witsras pes lo glan leste ap i phub. Un o Jesus penas soreles ap o bengeste: “Dja lestar win!” Koi das job bari gole: “Jesus, tchawo o baro Deblestar, hoi kameh tu mandar? Me mangau tut: Ma duke man!”

Louka 8:28 ပူးပေါင်းရင်းမြစ်များ

Jesaja 27:1

Ap ko dives lell o baro Devel peskro baro zorelo rharo, hoy yaake mishto činell, oun dell o sapes moulo, hoy kharell Leviatan, ava, ko baro panyeskro sap, hoy ap o naashepen hi oun moukell pes gar te taprell.

Mateo 8:29

Oun yon dan gole: “Hoy kameh tou mendar, Debleskro čavo? Val tou pash mende, te doukress men tou glan o tsiro, kay rakrell o Devel i phagi pral mende vin?”

Louka 8:27

Oun o Yezous djas dran o bero. Kote vas i morsh dran o foro. An koleste his benga. I rah tsiro his yob nango, oun djivas gar an i kheer. Yob djivas an i moulengre khera.

Jakobo 2:19

Tou patseh, kay dell yek Devel kokres. Mishto, kre kova! Ninna kol benga patsenn kova oun trashenna.

2. Petro 2:4

O Debleskri rholi vas ninna pral kol bolepangre, kay kran o čilačepen. O Devel vitsras len an o telstunepen. Kote hi le pandlo an i kali rat, bis te vell ko dives, kay dell lo len lengri phagi.

1. Johanni 3:8

Kolla, kay djivenn an o čilačepen, kolla hi o bengestar. O beng krella o čilačepen yaake rah, har yob koy hi. Doleske vas o Debleskro čavo ap kay phoub, te phagell lo o bengeskri zoor.

Debleskro tsiro 20:10

Oun o beng, kay anas len ap peskro drom, vell an i bari yag vitsedo, hoy zoreles rhačella oun khandella. Kote hi ninna o firho, oun ko rhorheno rakepaskro. Kote vell len hako tsiro bare douka.