Louka 8:25 - O Debleskro Lab 2024 (Sinte-Manouche)

²⁵ Oun yob penas ap lende: “Kay hi t'maro patsepen?” Oun yon trashan, oun penan yek ap o vavareste: “Koon hi kava morsh? Yob penell ap o zorelo dourho, te phourdell lo bouder gar, oun ap o pani, te čivell lo pes. Oun yon shounenn ap leste.”

O Debleskro Drom 2021 (Sinte)

²⁵ Un job penas ap lende: “Kai hi tumaro patsepen?” Un jon trashan, un penan jek ap o wawareste: “Koon hi kau mursh? Job penell ap o sorelo ducho, te phurdell lo buder gar, un ap o pani, te tchiwell lo pes. Un jon shunenn ap leste.”

Louka 8:25 ပူးပေါင်းရင်းမြစ်များ

Gosewe laba 30:4

Koon djas pre an o bolepen oun pale tele? Koon las o phourdepen an peskre vasta? Koon pandas i tsele panya an i baya? Koon penas, har dour i phoub te djal? Har kharell lo? Har kharell leskro čavo? Djineh tou kova?

Gosewe laba 8:29

har lo i panyenge penas bis kate oun gar doureder, har lo i phoub tardo kras,

Mateo 14:31

O Yezous rikras leske o vast koy, tapras les, oun penas ap leste: “Tiro patsepen hi tikno. Hoske patsal man gar?”

Mateo 17:20

Penas lo ap lende: “T'maro patsepen hi tikno. Čačepah, me penau t'menge: Te vals t'maro patsepen ninna tikno har i senftikro djob, nay penans t'mer ap kay berga: Čip tout ap koy vavar rig! Oun koy berga čivals pes ap i vavar rig. Oun či nashte vals, hoy t'mer nashte gar krans.”

Mateo 6:30

O Devel kras o zenlepen yaake shoukar, hoy kava dives vin tardo hi, oun o vavar dives an o bob vitsedo vella. Kitse kope boudeder nay dell lo t'men an-ripaske! Hoske hi t'maro patsepen yaake tikno?

Mateo 8:10

Har o Yezous kova shounas, kras lo bare yaka, oun penas ap kolende, kay leha djan: “Čačepah, me penau t'menge: Savo patsepen hatsom pash kekeste an o tselo them Israel.

Mateo 8:26

Koy penas lo: “Hoske trashenn t'mer? Kay hi t'maro patsepen?” Oun yob stas pre, oun penas ap ko zorelo dourho, hoy phourdas pral o pani: “Ač kanna!” Oun ap o baro pani penas lo: “Mouk tele!” Oun o zorelo dourho phourdas bouder gar, oun o pani his bouder gar divyo.

Markus 4:35

Oun ap ko dives ap i rati penas o Yezous ap peskre malende: “Ouleras vergel!”

Louka 12:28

O Devel kras o zenlepen yaake shoukar, hoy kava dives vin tardo hi, oun o vavar dives an o bob vitsedo vella. Kitse kope boudeder dell yob t'men an-ripaske. Har tikno hi t'maro patsepen!

Louka 8:24

Oun yon djan pash leste, djangran les pre, oun penan: “Sikepaskro, sikepaskro, ste pre, mer tassah!” Oun yob stas pre, oun penas ap ko zorelo dourho, hoy phourdas pral o pani: “Ač kanna!” Oun ap o divyo pani penas lo: “Mouk tele!” Oun o zorelo dourho phourdas bouder gar. Oun o pani his bouder gar divyo, oun das bouder kek gole.

Louka 8:26

Oun yon ouleran doureder, oun van ap i vavar panyeskri rig an ko them Gerasa. Kava his vergel o them Galilea čiddo.

Johanni 11:40

Penas o Yezous ap late: “Penom me touke gar: Te patseh tou, dikeh tou o Debleskri bari zoor?”