Louka 7:42 - O Debleskro Lab 2024 (Sinte-Manouche)

⁴² Har yon pengro siyaan gar nay playsran, kamas ko ray kol love lendar bouder gar pale te lell. Koon kol douyendar kamas o rayes boudeder?”

O Debleskro Drom 2021 (Sinte)

⁴² Har jon pengro sijaan gar nai plaissran, kamas ko rai kol lowe lendar buder gar pale te lell. Koon kol dujendar kamas o rajes budeder?”

Louka 7:42 ပူးပေါင်းရင်းမြစ်များ

2. Samuel 14:13

Penas koy djouvel: “Hoske kreh tou yaake ap i Debleskre menshende? Kanna kay tou, baro ray, save laba vin rakral, hi yaake, har te anals tou doosh ap toute, te moukeh o Absalomes gar pale te anell, koles tou krik tradal.

Debleskri gili 103:3

Yob hi kova, kay miri tseli doosh mandar krik lella, kova, kay miro tselo nasslepen krik lella oun man sastes krella,

Jesaja 43:25

Kova hom me, kay thovau o čilačepen toutar tele. Me kokres hom kova, kay nay krell les. Oun bistrau koy doosh, hoy tou ap toute lal.

Jesaja 44:22

Ko čilačo koova, hoy tou kral, lom toutar krik, te hi lo gar bouder. Yaake har i nebla, har i folka krik phourdedo vell, yaake phourdom koy doosh krik, hoy ap toute his. Ab pale pash mande, me playsrom touke, te vess miro.

Mateo 18:27

Oun o rayes khaytas kova, oun yob moukas leske leskri tseli siyaan te perell, oun moukas les te djal.

Mateo 18:34

Oun pherdo rholi das les o ray an i vasta kolendar, kay denn les dava an o stilepen. Kote hounte ačell yob yaake rah, har yob gar koy siyaan pale playsras.

Mateo 6:12

Oun biste mari doosh, hoy mer ap mende anam! Oun ninna mer bistrah o čilačepen, hoy i vavar ap mende kran.

Louka 7:43

Penas o Simon leske: “Me patsau, kova, kay les boudeder siyaan his.” Penas o Yezous: “Tiro hi čačo.”

Remarja 3:24

Oun o Devel krell len čičeske čačo oun erligo dran leskro baro lačepen. O Yezous Kristo playsras lenge peskro rateha.

Remarja 5:6

O Yezous Kristo meras menge, har djivam gomme dour o Deblestar. Men kokres his kek zoor, te vas pash leste.

Galatarja 3:10

Kol vavar, kay rikrenn pen ap o Moseskre laba, oun kamenn yaake čačo te vell glan o Debleste, kolla hi tel o Debleskro praasepen. O Debleskro lab penella: Hakeno hi praasedo, koon gar lauter krella, hoy o Moseskre laba penenna. Oun kek mensho hi koy, kay krell lauter, hoy o Moseskre laba penenna.

Efesarja 1:7

Har o Yezous Kristo ap o troushel meras, oun peskro rat menge ratas, las lo mari doosh oun phagi mendar. Yaake baro his leskro lačepen ap mende!

Efesarja 4:32

Avenn kamlo yek ap o vavareste, oun lenn i dji o vavareske! Bistrenn o čilačepen, hoy o vavar ap t'mende kras! Ninna o Devel bistras t'maro čilačepen, har o Yezous Kristo t'menge meras.

Kolossarja 3:13

te rhoyrell pes kek sik pral o vavareste. Oun bistrenn ko čilačo koova, hoy i vavar ap t'mende kran! Yaake har o ray, o Yezous Kristo, t'mari doosh bistras, hounte krenn t'mer kova ninna.