Louka 7:40 - O Debleskro Lab 2024 (Sinte-Manouche)

⁴⁰ Koy penas o Yezous ap leste: “Simon, me hounte penap touke čomone.” “Sikepaskro, pen les mange!” penas lo.

O Debleskro Drom 2021 (Sinte)

⁴⁰ Koi penas o Jesus ap leste: “Simon, me hunte penap tuke tchomone.” “Sikepaskro, pen les mange!” penas lo.

Louka 7:40 ပူးပေါင်းရင်းမြစ်များ

1. Rajengro liil 2:14

Me hounte rakrap touha.” Yoy penas: “Rake!”

Ezekiel 33:31

Oun yon venn pash toute yaake, har menshe khetne venn, oun beshenn pen pash toute, oun shounenn, hoy peneh. Kova, hoy penal, krenn le gar. Pengre mouyentsa penenn le, te kamenn le man. Lengro dji djal koleske palla, har le boud love nay krenn.

Maleachi 1:6

O baro Devel, ko ray pral o bolepen oun i phoub, penell: I čavo hounte hadell peskro dades, oun i boudepaskro hounte dikell pre ap peskro rayeste. Me hom t'maro dad – hoske hadenn man gar? Me hom t'maro ray – hoske dikenn gar pre ap mande? T'mer rashaya, t'mer dikenn tele ap mande. Oun t'mer poučenn: Hoy kram, kay peneh tumer dikan tele ap mande?

Mateo 26:49

Oun sik djas lo pash o Yezouseste oun penas ap leste: “Lačo dives, mo ray!” oun čoumras les.

Mateo 7:22

Vell ko dives, kay o Devel o čačepen pral i tsele menshende vi-rakrella. Ap ko dives penenna boud ap mande: Ray, ray, an tiri zoor penam mer i menshenge, hoy o Devel menge penas. An tiri zoor tradam i bengen vin, oun kram boud baro zorelo koova.

Louka 18:18

Koy poučas lestar i pralstuno: “Lačo sikepaskro, hoy hounte krap, te dell man o Devel o djipen, hoy gar pre-herella?”

Louka 5:22

Oun o Yezous hayvas, hoy yon mashkral pende yaake penan. Oun yob penas ap lende: “Hoske djal kova an t'maro shero trouyel?

Louka 5:31

Koy penas o Yezous: “Kolla, kay sasto hi, djan gar pash o dramaskro. Kolla, kay nasselo hi, djan pash leste.

Louka 6:8

O Yezous hayvas, hoy an lengro shero trouyel djas. Oun yob penas ap ko morsheste, koles i bango vast hi: “Ste pre oun am kay!” Oun yob stas pre, oun djas pash leste.

Louka 7:39

Har o Farisari kova lauter dikas, penas lo ap peste kokres: “Te vals kava rom čačepah i Debleskro rakepaskro, hounte djinals lo, havi djouvel les an-tapras. Yob hounte djinals, te hi li pale-čiddo.”

Louka 7:41

Koy penas o Yezous: “Douy kran siyaan pash i rayeste kay love vin patsella. Ko yekes his panč-sheel (500) roupene beme siyaan, ko vavares panč-deesh (50).

Johanni 13:13

T'mer penenn ap mande: Sikepaskro oun Ray. Oun kova hi čačo. Me hom kova.

Johanni 16:19

O Yezous hayvas lendar, kay kaman le lestar kova te poučell, oun yob penas ap lende: “Kamenn t'mer te djinell, hoy kova hi, kay penom: Pal i tikno tsiro dikenn man bouder gar; oun pale pal i tikno tsiro dikenn man t'mer?

Johanni 16:30

Kanna djinah mer, kay tou halauter djineh. Tou djineh glan-vi, hoy i menshe kamenn toutar te poučell. Doleske patsah mer, kay tou o Deblestar veh.”

Johanni 3:2

Kova vas an i rat pash o Yezouseste, oun penas: “Ray, mer djinah, kay tou hal i sikepaskro. O Devel bičras tout pash mende. Kek nay krell kova, hoy tou kreh an o Debleskri zoor. Ap kova dikah mer, kay hi o Devel touha.”