Louka 7:34 - O Debleskro Lab 2024 (Sinte-Manouche)

³⁴ Oun me, o Mensheskro Čavo, me vom, rhom oun piyom, oun mandar penenn t'mer: Kava hi i rhapaskro oun i pipaskro. Kava hi i maal kolendar, kay lenn i biboldendar love i Remaryenge dren, oun i maal kol vavarendar, kay čilačo koova kran oun doleske ninna pale-čiddo hi.

O Debleskro Drom 2021 (Sinte)

³⁴ Un me, o Mensheskro Tchawo, me wom, chom un pijom, un mandar penenn tumer: Kawa hi i chapaskro un i pipaskro. Kawa hi i maal kolendar, kai lenn i biboldendar lowe i Remarjenge dren, un i maal kol wawarendar, kai tchilatcho koowa kran un doleske ninna pale-tchiddo hi.

Louka 7:34 ပူးပေါင်းရင်းမြစ်များ

Mateo 11:19

Oun me, o Mensheskro Čavo, me vom, rhom oun piyom, oun mandar penenn le: “Kova hi i baro rhapaskro oun i pipaskro. Kova hi i maal kolendar, kay lenn i biboldendar love i Remaryenge dren. Oun kova hi i maal kolendar, kay čilačo koova kran oun doleske pale-čiddo hi.” Ninna te rakrenn le yaake, dikenn le ap o Debleskre menshende, kay kova čačo hi, hoy o Devel krella.

Mateo 5:46

T'mer te venn lačes kolenge, kay kran lačo koova ap t'mende, patsenn t'mer, kay o Devel sharell t'men? Na-a! Ninna i rhorhene hi lačes kolenge, kay ap lende lačes hi.

Mateo 9:11

Oun har i Farisarya kova dikan, penan le ap i Yezouseskre malende: “Hoske rhal t'maro sikepaskro kolentsa, kay lenna i biboldendar kol love i Remaryenge dren, oun kol vavarentsa, kay ninna pale-čiddo hi?”

Louka 11:37

Har o Yezous yaake rakras, vas i Farisari pash leste oun mangas lestar, te vell yob pash leste, te rhal lo leha khetne. Oun o Yezous djas leha an leskro kheer, oun beshas pes tele, te rhal lo.

Louka 14:1

His i Debleskro dives, koy djas o Yezous pash i pralstouno Farisari an o kheer te rhal. Oun kol menshe kote lan les an o yak.

Louka 15:2

Kol Farisarya oun i biboldengre čačepangre his rhoyemen pral o Yezouseste oun penan: “Kava morsh lell i pale-čidde pash peste pre, oun rhal lentsa.”

Louka 19:7

Har yon kova dikan, his yon rhoyemen oun penan: “Pash i pale-čiddo djal yob an o kheer.”

Louka 5:29

Oun o Levi kras o Yezouseske an peskro kheer i baro rhapen. Oun boud kolendar, kay lan i biboldendar love i Remaryengre rayenge dren, rhan lentsa khetne. Oun ninna vavar menshe his koy.

Louka 7:33

O Yohanni, kova, kay taufras i menshen, rhas kek maro, oun piyas kek mool. Lestar penan t'mer: An koleste hi i beng.

Louka 7:35

Me penau t'menge: O Debleskro gosvepen dikenn t'mer ap kolende, kay djivenn koy pal.”

Louka 7:36

Oun i Farisari, – leskro lab hi Simon, – mangas o Yezouses: “Ab pash mande te rhal!” Oun o Yezous djas an leskro kheer, oun beshas pes tele, te rhal lo leha khetne.

Johanni 12:2

Koy kran le leske i rhapen. I Marta anas lenge ko rhapen. O Lazaro his yek lendar, kay rhas leha.

Johanni 2:2

Kol biyabengre mangan o Yezouses ninna ap ko biyab te vell peskre malentsa, oun yaake his lo lentsa ninna ap ko biyab.