Louka 7:19 - O Debleskro Lab 2024 (Sinte-Manouche)

¹⁹ oun bičras len pash o Yezouseste, te poučenn le les: “Hal tou kova, kay hounte vell? Hounte dikas mer ap i vavareste, te vell lo?”

O Debleskro Drom 2021 (Sinte)

¹⁹ un bitchras len pash o Jesuseste, te putchenn le les: “Hal tu kowa, kai hunte well? Hunte dikas mer ap i wawareste, te well lo?”

Louka 7:19 ပူးပေါင်းရင်းမြစ်များ

1. Mose 22:18

Tou kral, hoy me touke penom. Doleske djal koy barht, hoy dau tire menshende, doureder ap i tsele natsyone, kay ap i phoub hi.”

1. Mose 3:15

Tou oun koy romni, t'men hi rholi yek ap o vavareste. Ninna tire čaven hi rholi ap lakre čavende. Oun lakre čaven hi rholi ap tire čavende. Yek lakre čavendar stakrell tiro shero khetne. Oun tou dandreh les an leskri heri.”

1. Mose 49:10

Hako tsiro vell o baro ray dran o kheer Youda, oun yek leskre menshendar rikrell o rayeskro kasht an o vast yaake rah, bis te vell kova, kay čačepah o baro ray hi. Ap koleste shounenn i natsyone ap i phoub.

Jesaja 11:1

Yaake har vell i tikno nevo kasht dran i tele dino rouk, oun i nevo tikno rouk mank leskre draba vin, yaake vell i nevo baro ray dran o Davideskro kheer.

Jesaja 7:14

Doleske dell o baro Devel kanna kokres i sikepen, te sikrell lo, kay hi lo ap t'mari rig: I terni čay vell vavarčandes oun lell i morsh čaves. Oun koles dell li o lab Immanuel.

Micha 5:2

Yek tsiro dell o baro Devel peskre menshen an i vasta vavar menshendar, bis te vell ko dives, kay anell i djouvel ko čaves ab i phoub. Palle venn leskre phrala, kay pral ačan, pale an pengro them pash i vavar Israelitarya.

Haggai 2:7

Ava, i menshenge an i tsele themma lau i zoor krik. Oun lengro kouč koova vell kate anlo, oun me krau miro kheer pherdo raylepen. Ko penell o baro Devel, ko ray pral o bolepen oun i phoub.

Zakarie 9:9

Ab barhtelo, tou foro Sion! Denn gole i barhtyatar, t'mer menshe an Yerusalem! Dikenn, t'maro baro ray vella pash t'mende! Yob anell o čačepen, oun vell ap t'mari rig. Yob krell pes gar bares, oun klissell ap i bourika, ava, ap i terni bourika.

Markus 6:7

O Yezous das kol deesh-te-douyen pash peste gole, te bičrell lo len vin, douy te douy. Yob das len i zoor pral i benga, te nay tradenn le len i menshendar vin.

Louka 10:1

Pal kova rodas o Yezous vavar efta-deesh morshen vin. Oun yob bičras len ap o drom glan peste, te djan le an i forya oun gaba, kay yob ninna vella. Hako kopo djan douy morsha khetne.

Louka 11:1

Yek dives, har o Yezous o Debleha rakras, penas yek peskre malendar ap leste: “Sike men, har te rakras o Debleha! Ninna o Yohanni sikras peskre malende, har yon hounte rakrenn o Debleha.”

Louka 11:39

Koy penas o Yezous ap leste: “T'mer Farisarya, t'mer thovenn t'mare khore oun čare vriyal. Oun t'maro dji hi pherdo čorepen oun čilačepen.

Louka 12:42

Penas o Yezous: “I lačo boudepaskro dell mishto garda ap peskro rayeskro kheer, oun sovella gar. Leskro ray das peskre tsele boudepangren an leskre vasta. Oun ko lačo boudepaskro dell lende hako dives kova, hoy len hounte vell djipaske.

Louka 13:15

Penas o Yezous ap koleste: “T'men hi douy djia! T'mer krenn har te krans kek boudi ap o Debleskro dives. Hakeno t'mendar pandell peskri groumni oun peskri esla tele, oun anell len pash o pani ap o Debleskro dives.

Louka 17:5

Oun kol deesh-te-douy bičepangre penan ap o Yezouseste: “Kre maro patsepen zoreles!”

Louka 17:6

Koy penas o ray Yezous ap lende: “Te vals t'maro patsepen ninna tikno har i senftikro djob, nay penans t'mer ap ko baro rouk: Vitse tout an o pani! Oun ko rouk shounals ap t'mende.”

Louka 18:6

Koy penas o Yezous: “Shounenn t'mer, hoy ko čilačo čačepaskro ray penas?

Louka 19:8

O Zakeo his koy tardo oun penas ap o Yezouseste: “Mo ray, me dau i čorvelende i paash lauterestar, hoy man hi. Oun te rhorhrom yekes, dau les kanna star kope yaake boud pale.”

Louka 22:61

Oun o Yezous rissras pes trouyel, oun dikas o Petres an i yaka. Oun o Petreske van kolla laba an o shero, hoy o Yezous ap leste penas: “O bashno dell gar gole yaake rah, har tou gar triin kope penal, te prindjreh man gar.”

Louka 24:34

Oun kolla, kay kote khetne hi, penan lenge: “O Devel kras čačepah o Yezouses djido, oun o Simon dikas les.”

Louka 7:13

Oun o Yezous dikas lat, oun leskro dji doukas. Oun yob penas ap late: “Ma rob!”

Louka 7:20

Oun yon van pash o Yezouseste, oun penan: “O Yohanni, kova, kay taufras i menshen, kamell toutar te djinell: Hal tou kova, kay hounte vella? Hounte dikas mer ap i vavareste, te vell lo?”

Johanni 11:2

I Maria his koy djouvel, kay ko kouč djet ap o Yezouseskre pire čoras. Oun peskre ballentsa khossas yoy leskre pire. Kolakro phraal his o Lazaro. Kova his nasselo.

Johanni 4:1

I Farisarya shounan, kay boud menshe djan o Yezouseske palla. Yon shounan ninna, kay yob taufras boudeder menshe har o Yohanni.

Johanni 4:25

Penas i djouvel: “Me djinau, kay vell ko baro ray, kolestar o Devel penas, te vell yob, kay kharell ninna o Kristo. Te vell yob pash mende, penell lo menge halauter.”

Johanni 6:23

Koy van vavar bere dran o foro Tiberias, oun čivan pen kote, kay rhans le ko maro, koleske o Yezous parkras pes pash o Debleste.

Josua 2:1

Oun har yon ap i platsa Shittim his, bičras o Yosua, koleskro dad o Noun hi, čorrhanes douy morshen vin oun penas ap lende: “Djan oun dikenn, har zorelo o them hi, ninna o foro Yericho!” Koy djan le oun van an i kheer, kay i loubni djivas. Koya kharas Rahab. Oun yon djan dren, te ačenn le kote pral i rat.

Debleskro tsiro 11:3

Oun me bičrau douy rakepangren an ko foro. Kolla penenn i menshenge o čačepen pral mande. Lengre ripya hi kerdo dran gone. Deesh-te-douy-sheel-te-shob-desha (1.260) divessa penenn yon lenge mire laba.”