Louka 7:17 - O Debleskro Lab 2024 (Sinte-Manouche)

¹⁷ Oun an o tselo them Youdea shounan le, hoy o Yezous kras. Oun an i vavar themma, kote shounan le kova ninna.

O Debleskro Drom 2021 (Sinte)

¹⁷ Un an o tselo them Judea shunan le, hoi o Jesus kras. Un an i wawar themma, kote shunan le kowa ninna.

Louka 7:17 ပူးပေါင်းရင်းမြစ်များ

Mateo 2:1

Ap ko tsiro, har vas o Yezous an o foro Betlehem an o them Youdea boldo, his o Herodes o baro ray pral o them. Koy van goseve morsha dran o them, kay o kham pre djala, oun djan an o foro Yerusalem. Yon poučan i menshendar an o foro Yerusalem:

Mateo 4:24

Oun ninna an o tselo them Syria shounan le lestar. Oun yon anan lauteren pash leste, kay nasselo hi. Mashkral lende his kolla, kay hi len bare douka, oun kolla, kay hi an lende benga, oun kolla, kay hi nasselo an pengro shero, oun kolla, kay hi bango. Oun yob kras len sasto.

Mateo 9:26

Oun i tsele menshe, kay kote an i forya oun gaba djivan, shounan kova.

Mateo 9:31

Oun yon djan vin, oun rakran pral kova, hoy yob lenge kras, yaake te shounan le lestar an kol tsele forya oun gaba trouyel.

Markus 1:28

Oun an i tikno tsiro shounas hakeno lestar an kava tselo them Galilea.

Markus 6:14

Ninna o baro ray, o Herodes, shounas o Yezousestar. An o tselo them rakran le lestar. I menshe penan: “O Yohanni, kova, kay i menshen taufras, stas i moulendar pre. Doleske hi les i zoor, te krell lo savo baro koova.”

Louka 4:14

Oun o Yezous djas pale an o them Galilea. Oun o Debleskri zoor his an leste. Oun an i tsele gaba oun forya, kay kote his, shounan le lestar.

Louka 7:14

Oun yob djas pash o morhton, oun čivas peskro vast ap leste. Oun kolla, kay o morhton hidjran, ačan tardo. Oun yob penas: “Terno morsh, me penau touke: Ste pre!”