Louka 7:14 - O Debleskro Lab 2024 (Sinte-Manouche)

¹⁴ Oun yob djas pash o morhton, oun čivas peskro vast ap leste. Oun kolla, kay o morhton hidjran, ačan tardo. Oun yob penas: “Terno morsh, me penau touke: Ste pre!”

O Debleskro Drom 2021 (Sinte)

¹⁴ Un job djas pash o mochton, un tchiwas peskro wast ap leste. Un kolla, kai o mochton hidjran, atchan tardo. Un job penas: “Terno mursh, me penau tuke: Ste pre!”

Louka 7:14 ပူးပေါင်းရင်းမြစ်များ

1. Rajengro liil 17:21

Oun yob čivas pes triin kope pral o čaveste, oun das pashel gole: “Miro baro Devel, mouk te vell o djipen kava čavestar pale an leste!”

1. Rajengro liil 17:22

Oun o baro Devel shounas ap o Eliya, oun ko djipen vas pale an o čaveste, oun yob vas pale djido.

Hiob 14:12

Yaake hi ko mensho, kay čivell pes tele oun merell. Yob stell gar bouder pre. Yaake rah har o bolepen koy hi, vell lo bouder gar djangelo, oun kek djangrell les pre dran peskro sopen.

Hiob 14:14

Te merell i mensho, vell lo palle pale djido? Palle bistroms, har djoungeles mange kanna djal, oun dikoms ap ko tsiro, kay mange feteder djal.

Debleskri gili 33:9

Yob te rakrell, palle vell, hoy yob penas, yaake har lo kova penas, yaake hi kova koy tardo.

Jesaja 26:19

Baro Devel, mouk tire moulen djides te vell! Mouk len pre te stell! T'mer, kay van paskedo, stenn pre dran o sopen oun denn gole i barhtyatar! Tou, baro Devel, hal har brishin, hoy dell djipen ap i phoub. Doleske dell i phoub i moulen pale vin.

Markus 5:41

Oun yob tapras kol čat pash o vast, oun penas ap late an peskro rakepen: “Talita kumi!” Kova kharella: Čay, me penau touke, ste pre!

Louka 7:13

Oun o Yezous dikas lat, oun leskro dji doukas. Oun yob penas ap late: “Ma rob!”

Louka 7:15

Oun o djipen vas pale an leste. Oun yob hadas pes pre, oun rakras. Oun o Yezous das les leskri date pale.

Louka 7:17

Oun an o tselo them Youdea shounan le, hoy o Yezous kras. Oun an i vavar themma, kote shounan le kova ninna.

Johanni 11:25

Penas o Yezous ap late: “Me hom kova, kay djangrau len pre dran o merepen oun dau len o djipen. Koon ap mande patsella, djivella, ninna te merell yob.

Johanni 5:21

Har o dad i moulen pre djangrella, oun dell len o nevo djipen, yaake nay dell ninna o čavo o nevo djipen, kones yob kamella.

Johanni 5:25

Čačepah, me penau t'menge: Ko tsiro vella oun hi kanna kay, kay i moule shounenn i gole o Debleskro čavestar. Oun kolla, kay shounenn, kay dell yob gole, kolla djivenna.

Remarja 4:17

Yaake hi činlo an o Debleskro lab: Me krom tout o dad boud menshendar an boud themma. O Abraham dikas ap o Debleste oun patsas, te nay krell o Devel i moulen djido, oun nay krell kova, hoy gomme gar koy his.

Efesarja 5:12

Kova, hoy yon čorrhanes krenna, hi yaake djoungelo, te hounte ladjell kova pes, kay kolestar rakrella.