Louka 6:45 - O Debleskro Lab 2024 (Sinte-Manouche)

⁴⁵ Dran i lačo mensheskro dji vell lačo koova. Dran i čilačo dji vell čilačo koova. I mensho penell kova, hoy an leskro dji dren hi.

O Debleskro Drom 2021 (Sinte)

⁴⁵ Dran i latcho mensheskro dji well latcho koowa. Dran i tchilatcho dji well tchilatcho koowa. I mensho penell kowa, hoi an leskro dji dren hi.

Louka 6:45 ပူးပေါင်းရင်းမြစ်များ

Debleskri gili 140:5

Baro Devel, de ap mande yak, te taprenn man i čilače gar! Khate man glan i marepangre, glan kolende, kay kamenn te perap!

Debleskri gili 59:12

Ma de len moulo, te bistrenn kova mire menshe gar! Trade len tiri zoryah, te nashenn le kate te kote! Stake len tele, tou, kay rikreh tiro vast pral mende.

Debleskri gili 59:7

Haki rat venn le pale oun nashenn čorrhanes troul o foro. Har djoukle denn le gole.

Gosewe laba 12:18

Laba, hoy sik vin rakedo venna, nay denn čourye har i rharo. O rakepen i goseve menshendar anell sastepen.

Gosewe laba 15:23

Barhtelo hi o morsh, te djinell lo, hoy te rakrell lo. Har lačo hi o čačo lab ap o čačo tsiro.

Gosewe laba 4:23

De yak ap kova, hoy patseh dour an tiro dji! Kolestar vell o djipen.

Johanni 7:38

Koon ap mande patsella, har o Debleskro lab penella, dran koleste vell ko pani, kay dell o djipen.”

Bičepangre 5:3

O Petro penas ap o Ananias: “Hoske kral tou o bengeske tiro dji pre? Hoske rhorhral tou o Debleskro Dourhes, oun rikral love touke?

Efesarja 3:8

Ninna te hom me o tikneder kol tsele patslendar, das lo man koy shoukar boudi, te djap pash kolende, kay hi kek bibolde, te penap lenge, havo baro bravlepen o Yezous Kristes lenge hi,

Efesarja 4:29

Rakrenn kek čilače oun djoungele laba! Kova, hoy t'mer penenna, hounte vell lačes kolenge, kay shounenna, te lenn le nevi zoor an pengro djipen.

Efesarja 5:19

Givenn lauter khetne o Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Givenn oun bashrenn o tselo djiyestar o Yezouseske, maro rayeske!

Kolossarja 3:16

Ma moukenn tele, te rakrenn oun shounenn o lab o Yezous Kristestar! Rakrenn les t'menge an o dji! Avenn gosevo koy pashel, te sikrell yek o vavareste, har te djal lo ap o Debleskro drom! Givenn Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Ava, givenn o Debleske, oun sharenn les an t'mare djia!

Kolossarja 4:6

Rakrenn lentsa kamles, oun trashenn gar, te penenn o čačepen! Yek te poučell t'mendar čomone pral t'maro patsepen, palle rakrenn leha yaake, har kova koleske mishto hi.

Hebrearja 8:10

Ap ko tsiro, hoy vella, penell o Devel, rakrau pale lentsa, oun anau len ap o nevo drom. Me čivau miro čačepen an lengre shere, oun činau mire laba an lengre djia. Oun me hom lengro Devel, oun yon hi mire menshe.

Judas 1:15

Yob vell, te rakrell lo o čačepen vin pral i tsele menshende, oun te dell lo kolen i phagi, kay djan gar ap o Debleskro drom oun kran gar, hoy yob kamas, oun čingran ap leste čilače labentsa.