Louka 6:38 - O Debleskro Lab 2024 (Sinte-Manouche)

³⁸ Denn i menshen lačo koova! Oun o Devel dell t'men lačo koova! Ava, yob dell t'men yaake boud, te hi t'men boudeder har doha. Yob dell t'men yaake boud, te nay lenn kova gar lauter. Doleske penau t'menge: T'mer te denn boud, palle dell o Devel t'men boud. T'mer te denn gar boud, palle dell o Devel t'men gar boud.

O Debleskro Drom 2021 (Sinte)

³⁸ Denn i menshen latcho koowa! Un o Dewel dell tumen latcho koowa! Awa, job dell tumen jaake bud, te hi tumen budeder har doha. Job dell tumen jaake bud, te nai lenn kowa gar lauter. Doleske penau tumenge: Tumer te denn bud, palle dell o Dewel tumen bud. Tumer te denn gar bud, palle dell o Dewel tumen gar bud.

Louka 6:38 ပူးပေါင်းရင်းမြစ်များ

2. Samuel 19:36

Me hom kay dives deesh-te-orhta bersh phouro. Har nay djinau me, hoy lačo hi oun hoy čilačo hi? Hayvau bouder gar, hoy rhau oun piyau oun shounau bouder gar, hoy ko gipaskro oun koy gipaskretsa givenna. Kamau gar te vap i pharepen touke, miro baro rayeske.

Ester 7:10

Yaake bladan le o Hamanes ap ko kasht pre, koles yob o Mordekayeske moukas pre te čivell. Oun i rholi o baro rayestar djas pale.

Ester 9:25

An ko liil his ninna tardo, har i Ester pash o baro rayeste djas oun har kova an i liil penas, te vell o Hamaneha ko čilačo koova kerdo, hoy yob kamas i biboldentsa te krell. Oun yaake vas o Haman oun peskre čave ap i bare kashta pre bladedo.

Hiob 42:11

Oun leskre tsele phrala oun phenya oun kolla, kay les glan ko tsiro prindjran, van pash leste, oun rhan khetne leha, oun rakran lačes leha, oun penan har koy bibarht lenge doukas, hoy moukas o baro Devel pral leste te vell. Oun hakeno das les i sonakaskri bema oun i goustri.

Debleskri gili 79:12

Kolla, kay an i themma troul mende djivenn, praasan tout, maro rayes. De len kova efta kope pale, hoy kran le ap toute!

2. Mose 21:24

i yak i yakeske, i dand i dandeske, i vast i vasteske, i heri i heryake,

Gosewe laba 10:22

Te čivell o baro Devel peskri barht ap toute, veh tou bravelo. Oun kova, hoy tou koy pashel kreh, hi čičeske.

Gosewe laba 19:17

Kova, kay peskro dji pre krell oun i čorveles dell, kova hi har yek, kay patsals o baro Debleske. Oun o baro Devel dell les ko lačepen pale, hoy lo kras.

Gosewe laba 22:9

Kova, kay lačes ap i vavarende dikell, dell peskro maro i čorveleste. Ap leste vell barht vi-rakedo.

Jeremia 32:18

Tou moukeh lačepen pral boud zerya menshende te vell. Oun i doosh i dadendar moukeh ap i sherya lengre čavendar te vell. Tou hal o baro oun zorelo Devel. Tiro lab hi: Baro Devel, ko ray pral o bolepen oun i phoub.

Mateo 10:42

Koon della yekes mire malendar i khoro shilo pani te piyell, koles dell o Devel čačepah ko lačepen pale, hoy yob kras.

Mateo 7:2

Te hi t'men i baro dji i vavarenge, hi o Debles ninna i baro dji t'menge. Hi t'men kek baro dji lenge, hi o Debles vitar gar i baro dji t'menge.

Markus 4:24

Oun yob penas ap lende: Denn garda ap kova, hoy t'mer shounenna! Te shounenn gar mishto, hoy penau, hayvenn kova gar. Te shounenn mishto, hayvenn kova ninna mishto. Oun o Devel krell t'maro dji pre, te hayvenn gomme feteder.

Louka 6:30

De hakenes, kay toutar mangella! Oun te lell yek toutar čomone, hoy tiro hi, ma mang les pale!

5. Mose 15:10

De leste o djiyestar! Ma ab bokelo! Palle dell tout tiro baro Devel barht an halauter, hoy kreh oun tiro vast an taprell.

Jakobo 2:13

Ma bistrenn! Vell yek dives, kay rakrell o Devel o čačepen vin pral t'mende. Te hi yekes kek dji i vavareske, koleske hi o Debles vitar kek dji. Kones hi i dji i vavarenge, koles hounte vell kek daar ap ko dives, kay rakrell o Devel o čačepen pral i menshende vin.

Čačepangre 1:7

Koy penas o Adoni-Besek: “Efta-deesh bare rayenge moukom i pesse goushte lengre vastendar tele te dell oun ninna i bare goushte lengre pirendar. Oun yon hounte rhan, hoy miri rhapaskri tele peras. Oun yaake har me les lentsa krom, yaake das les man o Devel pale.” Oun yon anan les an o foro Yerusalem. Oun kote meras lo.