Louka 6:28 - O Debleskro Lab 2024 (Sinte-Manouche)

²⁸ Penenn kolenge lače laba, kay t'men koshenna! Mangenn o Debles kolenge, kay doukrenn t'men!

O Debleskro Drom 2021 (Sinte)

²⁸ Penenn kolenge latche laba, kai tumen koshenna! Mangenn o Debles kolenge, kai dukrenn tumen!

Louka 6:28 ပူးပေါင်းရင်းမြစ်များ

1. Rajengro liil 13:6

Koy penas o baro ray ap ko Debleskro morsheste: “Mange tou o baro Deblestar, kay tiro Devel hi, oun mange lestar mange, te krell lo miro vast pale sasto!” Oun o Debleskro morsh mangas o baro Debles, oun o baro rayeskro vast vas pale sasto – yaake har lo glan kova his.

Ezekiel 25:15

Kava penell o baro Devel, maro ray: An i tsele tsirya his i Filistarya ap čingepen oun kourepen mire menshentsa vin. Baro čilačepah djan le ap lende pre, oun kaman len te marell.

Ezekiel 36:5

Doleske penell o baro Devel, maro ray: Čačepah, an miri tati rholi rakrom me i phagi vin pral i menshende an o them Edom oun an i themma troul t'mende, kolla miro them penge lan, te randenn le les vin. Koy pashel san le pen moulo pral t'mende, te djas t'menge yaake, oun praasan t'men.

Mateo 5:44

Me penau t'menge: Avenn lačes kolenge, kay hi čilačo ap t'mende! Mangenn o Debles kolenge, kay lenn t'men palla!

Louka 23:34

Koy penas o Yezous: “Miro dad, le i doosh kolendar krik, kay man ap o troushel dan! Yon djinenn gar, hoy yon kran.” Oun i lourde khelan pral leskre koola, te dikenn le, hoy hakeno lella.

Louka 6:27

T'mer, kay man shounenna, t'menge penaua: Avenn lačes kolenge, kay hi čilačo ap t'mende! Krenn kolenge lačepen, kay hi rhoyedo ap t'mende!

Louka 6:35

Me penau t'menge: Avenn lačes kolenge, kay hi čilačo ap t'mende! Krenn kolenge lačepen! Patsenn t'mare love vin ap kolende, kay t'mer gar djinenna, te lenn t'mer lendar čomone pale! Te krenna t'mer kova lauter, palle dell o Devel t'men peskro bravlepen an o bolepen, oun t'mer venn o baro Debleskre čave. O Devel hi ninna lačes ap kol menshende, kay čilače hi, oun kay parkrenn pen gar pash leste.

Bičepangre 14:5

Kova djas yaake dour, kay čivan pen i bibolde khetne kolentsa, kay kek bibolde hi. Oun khetne lengre pralstunentsa kaman le ap kol douyende pre te djal, te denn le len i barrentsa moulo.

Bičepangre 7:60

Oun yob peras ap i phoub tele, oun das pale gole: “Ray, le koy doosh lendar!” Har yob kova penas, meras lo.

Remarja 12:14

Rakrenn lače laba ap kolende, kay lenn t'men palla! Mangenn o Debles lenge, oun koshenn len gar!

1. Korintarja 4:12

Mer marah men tele mare vastentsa, te vell men čomone te rhal. Yon praasenn men, oun mer rakrah o Debleskri barht pral lende vin. Yon te lenn men palla, rikrah mer vin.

Jakobo 3:10

Dran ko emligo mouy vella sharepen oun praasepen. Kova hi gar mishto, mire phrala!

1. Petro 3:9

Krenn kekeske čilačepen, kay kras ap t'mende čilačepen! Yek te čingrell ap t'mende, ma čingrenn pale! Rakrenn lače laba leha! O Devel das t'men gole, te lenn t'mer leskro lačepen.