Louka 6:19 - O Debleskro Lab 2024 (Sinte-Manouche)

¹⁹ I tsele menshe kaman les an te taprell. I bari zoor vas dran leste, oun kras lauteren sasto.

O Debleskro Drom 2021 (Sinte)

¹⁹ I tsele menshe kaman les an te taprell. I bari soor was dran leste, un kras lauteren sasto.

Louka 6:19 ပူးပေါင်းရင်းမြစ်များ

2. Rajengro liil 13:21

Oun i dives vas, kay paskran i Israelitarya i morshes, kote dikan le kourepangre dran o them Moab. Sik lan le ko morshes oun vitsran les an o moulengro kheer pash o Elisa, oun nashan penge. Oun har ko moulo morsh ap i kokale o Elisestar peras, vas lo djido oun stas pre.

Mateo 14:36

oun mangan lestar, te moukell lo len i kotar leskro ripen an-taprell. Oun hakeno, kay les an-tapras, vas sasto.

Markus 5:30

Oun o Yezous hayvas pestar, kay djas i zoor lestar vin, oun rissras pes trouyel, oun penas ap i menshende: “Koon tapras ap miro ripen?”

Markus 6:56

Oun kote, kay yob djas, an i gaba, an i forya, oun ap o them, čivan le i nasselen kote, kay i menshe khetne venna, oun mangan lestar, te moukell lo len i kotar leskro ripen an-taprell. Oun hakeno, kay ap leskro ripen tapras, vas sasto.

Markus 8:22

O Yezous oun peskre mala van an o gab Betsayda. Koy anan le i morshes pash leste, kay dikas nay gar. Oun yon mangan o Yezousestar, te čivell lo peskro vast ap leste.

Louka 5:17

His i dives, kay yob i menshenge o Debleskro lab penas. Oun boud Farisarya oun biboldengre čačepangre his mashkral lende beshdo. Yon van dran i themma Galilea oun Youdea, oun dran o foro Yerusalem. Oun o Yezous kras i menshen sasto an o Debleskri zoor.

Louka 6:18

Kolla van lauter, te shounenn le o Yezouses te rakrell, oun kaman sasto te vell. Ninna lauter kolla van sasto, kay his i beng an lende.

Bičepangre 19:12

Hi yaake, kay lan i menshe ninna i koola oun menyakre dikle, hoy ap o Pauleste his, oun čivan len ap kol nasslende, oun o nasslepen djas lendar. Oun i benga djan dran i menshende vin, oun yon van sasto.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.