Louka 6:13 - O Debleskro Lab 2024 (Sinte-Manouche)

¹³ Har dives vas, das lo peskre malende gole, oun rodas deesh-te-douyen lendar vin, te venn le leskre bičepangre.

O Debleskro Drom 2021 (Sinte)

¹³ Har diwes was, das lo peskre malende gole, un rodas deesh-te-dujen lendar win, te wenn le leskre bitchepangre.

Louka 6:13 ပူးပေါင်းရင်းမြစ်များ

Mateo 10:2

Kolla hi i laba kol deesh-te-douyendar, kolen o Yezous pash i menshende bičras: O glanstouno his o Simon, kay kharas ninna Petro, oun leskro phraal Andreas, oun o Yakobo oun leskro phraal Yohanni, – kolengro dad his o Zebedeo,

Mateo 19:28

Penas o Yezous ap lende: “Čačepah, me penau t'menge: Ko tsiro vella, kay o Devel lauter neves krella. Ap ko tsiro hi o Mensheskro Čavo o ray pral lauterende, oun yob hi beshdo ap peskro rayeskro beshepaskro. Oun t'mer, kay mantsa djana, t'mer venn ninna raya, oun han beshdo ap deesh-te-douy rayeskre beshepangre, oun rakrenn o čačepen vin pral i tsele menshende, kay venna i deesh-te-douy Israeleskre čavendar.

Mateo 9:36

Oun har yob kol boud menshen dikas, khaytan le les. Yon his leske har bakre, kay hi len kek bakrengro, kay ap lende garda della. Yon his khino, oun len his bouder kek zoor an lende.

Markus 6:30

Oun kol deesh-te-douy, kay o Yezous pash i menshende bičras, kolla van pale, oun penan o Yezouseske lauter, hoy yon kran oun penan.

Markus 6:7

O Yezous das kol deesh-te-douyen pash peste gole, te bičrell lo len vin, douy te douy. Yob das len i zoor pral i benga, te nay tradenn le len i menshendar vin.

Louka 11:49

O Devel djinas kova. Doleske penas lo glan i rah tsiro: Me bičrau mire rakepangren oun mire bičepangren pash lende. Oun mashkral lende hi save morsha, kay venn lendar maredo, oun vavar venn palla lino.

Louka 22:30

Oun t'mer rhana oun piyenna mantsa kote, kay me o baro ray hom, oun han beshdo ap rayeskre beshepangre, oun penenn o čačepen vin pral i tsele menshende, kay venna o deesh-te-douy Israeleskre čavendar.”

Louka 6:14

Oun kolla his: O Simon, – koleste das yob ninna o lab Petro, oun leskro phraal Andreas, o Yakobo, oun o Yohanni, o Filipo, o Bartolomeo,

Johanni 4:33

Koy poučan leskre mala mashkral pende: “Anas leske yek čomone rhapaske?”

Bičepangre 1:13

An o foro Yerusalem djan le an ko kheer, an koy pralstouni isema, kay yon khetne ačan: O Petro, o Yohanni, o Yakobo, o Andreas, o Filipo, oun o Thomas, o Bartolomeo, oun o Mateo, oun o Yakobo, koleskro dad o Alfeo hi, oun o Simon, kay hi kol menshendar, kay kharenna Zelotarya, oun o Youdas, o Yakobeskro čavo.

Efesarja 2:20

I tsele Debleskre menshe hi har yek kheer, kerdo dran barra. T'mer han kol barra, hoy hi tardo ap i telstoune barra. I telstoune barra hi o Yezous Kristeskre bičepangre oun o Debleskre rakepangre. O Yezous Kristo hi ko zorelo bar, hoy rikrell o tselo kheer khetne. Oun o kheer vell baro oun bareder, oun vell i shoukar kheer, kay o Devel djivella.

Efesarja 4:11

Yob hi kova, kay das i patslen pengri boudi. Koy hi kolla, kolen yob bičras, te penenn le i menshenge lestar. Vavar rakrenna, hoy yob lenge an o dji čivas, hoy kek vavar djinella. Vavar anenn kol menshen, kay gar patslo hi, pash o Yezous Kristeste. Pale vavar rikrenn i patslen khetne, oun sikrenn lende o Debleskro drom.

Hebrearja 3:1

Mire patsle phrala, o Devel das t'men gole, te djivenn pash leste an o bolepen. Doleske dikenn ap o Yezouseste, kones o Devel bičras, te anell lo i menshen ap leskro drom. Les hi peskro dadeskro vast. Oun yob hi maro baro rashay. Ap leste patsah mer. Yob mangell o Debles menge.

2. Petro 3:2

hoy penan o Debleskre rakepangre glan i rah tsiro! Bistrenn vitar gar kol laba, hoy t'menge kolla penan, kolen maro ray Yezous pash t'mende bičras, – yob, kay las men dran o čilačepen vin.

Debleskro tsiro 12:1

Oun i baro koova sikras pes ap o bolepen: I djouvel hi koy. Kolakro ripen hi o kham. Oun tel lakre pire hi o čon. Oun ap lakro shero hi deesh-te-douy bolepangre momlia.

Debleskro tsiro 18:20

Avenn barhtelo, t'mer, kay djivenn an o bolepen! O baro foro hi paash! Avenn barhtelo, t'mer Debleskre menshe! Avenn barhtelo t'mer, kay han o Yezouseskre bičepangre, ninna t'mer, kay han o Debleskre rakepangre! Kova, hoy o foro čilačes kras ap t'mende, das o Devel ko fores pale.

Debleskro tsiro 21:14

Oun koy massouri hi tardo ap deesh-te-douy zorele barra. Ap kolende hi i laba činlo kol deesh-te-douyendar, kay his o terno bakreskre bičepangre.