Louka 5:32 - O Debleskro Lab 2024 (Sinte-Manouche)

³² Me vom gar, te dap ap kolende gole, kay ap o čačo drom hi. Na-a! Me vom, te dap kolen gole, kay djan ap o čilačo drom, te moukenn le pengro čilačo drom, oun djan ap o Debleskro drom.”

O Debleskro Drom 2021 (Sinte)

³² Me wom gar, te dap ap kolende gole, kai ap o tchatcho drom hi. Na-a! Me wom, te dap kolen gole, kai djan ap o tchilatcho drom, te mukenn le pengro tchilatcho drom, un djan ap o Debleskro drom.”

Louka 5:32 ပူးပေါင်းရင်းမြစ်များ

Jesaja 57:15

Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

Mateo 18:10

Ma čivenn kol tiknen ap i rig, har te vans le či moldo. Me penau t'menge: I bolepangre, kay ap lende yak denna, kolla nay djana hako tsiro glan miro dadeste an o bolepen, te mangenn le les lenge.

Mateo 9:13

Kova hounte djinenn t'mer: O Devel penas: Me kamau gar, te marenn mange firhen. Na-a! Me kamau, te hi t'men i baro dji i vavarenge. Me vom gar, te dap kolen pash mande gole, kay djan ap o čačo drom. Na-a! Me vom, te dap kolen pash mande gole, kay hi ap o čilačo drom.”

Markus 15:10

O Pilato djinas, te zilverenn i bare rashaya ap o Yezouseste. Oun doleske dan le les an leskre vasta.

Markus 15:7

Koy his yek, ko kharas Barabas. Kova his stildo kolentsa, kay kran i baro čingepen, kay van i menshe divyo. Koy pashel maran le yekes.

Markus 2:17

Har o Yezous kova shounas, penas yob ap lende: “Kolla, kay sasto hi, djan gar pash o dramaskro. Kolla, kay nasselo hi, djan pash leste. Me vom gar, te dap kolen pash mande gole, kay ap o čačo drom hi. Na-a! Me vom, te dap kolen pash mande gole, kay djan ap o čilačo drom.”

Louka 15:10

Me penau t'menge ninna: O Debleskre bolepangre hi barhtelo pral yekeste, kay moukell peskro čilačo drom oun djal ap o Debleskro drom.

Louka 15:7

Palle penas o Yezous lenge: “Me penau t'menge: Pral ko yek čilačo, kay moukas peskro čilačo drom oun djal ap o Debleskro drom, pral koleste hi bareder barht an o bolepen, har pral kol vavarende, kay patsenna, te nay ačenn le ap pengro drom.”

Louka 19:10

O Mensheskro Čavo vas, te rodell lo kolen, kay nashedo hi, oun te anell lo kolen ap o Debleskro drom, kay ap o čilačo drom hi.”

Louka 24:47

Oun an peskro lab hounte vell i menshenge an hake themma penlo, te moukenn le pengro čilačo drom, oun djan ap o Debleskro drom, yaake kay lell o Devel lengri doosh lendar krik. Penenn kova i menshenge an o foro Yerusalem, oun palle an i vavar themma!

Louka 5:31

Koy penas o Yezous: “Kolla, kay sasto hi, djan gar pash o dramaskro. Kolla, kay nasselo hi, djan pash leste.

Louka 5:33

Yon penan ap o Yezouseste: “O Yohanneskre mala rhan oun piyenn boud kope či, te mangenn le o Debles. Oun ninna kolla, kay shounenn ap i Farisarya, krenn kova yaake. Hoske rhan oun piyenn tire mala?”

Bičepangre 17:30

An o phouro tsiro djinan i menshe gar, kay kova, hoy yon kran, i doosh his. Oun o Devel das len kek phagi. Kanna penell o Devel, te moukenn i menshe pengro čilačo drom, oun djan ap leskro drom.

Bičepangre 2:38

Koy penas o Petro ap lende: “T'mer anan doosh ap t'mende. Mangenn t'men tele glan o Debleste! Oun moukenn t'men ap o Yezous Kristeskro lab te taufrell, te lell o Devel t'mari doosh t'mendar tele, oun te lenn t'mer o Debleskro Dourho!

Bičepangre 20:21

Me penom i biboldenge oun kolenge, kay kek bibolde hi, te moukenn le pengro čilačo drom, oun te djan le ap o Debleskro drom, oun te patsenn le ap maro rayeste, o Yezouseste.

Bičepangre 3:19

Moukenn t'maro phouro djipen oun avenn pash o Debleste, te lell yob t'mari doosh t'mendar!

Bičepangre 3:26

Doleske bičras o Devel peskro boudepaskres, o Yezouses, glanstounes pash t'mende, te anell yob t'menge o Debleskri barht, te djal hakeno t'mendar peskro čilačo dromestar tele.”

Bičepangre 5:31

Koles hadas o Devel oun beshas les ap peskri čači rig, te vell lo ray oun lell i menshen dran o čilačepen oun o merepen vin. Kova kras o Devel, te moukenn i menshe an o them Israel pengro phouro djipen, yaake te nay lell lo lengri doosh lendar krik.

2. Petro 3:9

Hi menshe, kay penenna: “O ray Yezous lell pes boud tsiro, te vell lo pale.” Kova hi gar čačo. Les hi i baro dji t'menge, oun kamell, te djal kek t'mendar nashedo. Yob kamella, te moukell hakeno peskro čilačo drom oun vell ap o Debleskro drom.