Louka 5:22 - O Debleskro Lab 2024 (Sinte-Manouche)

²² Oun o Yezous hayvas, hoy yon mashkral pende yaake penan. Oun yob penas ap lende: “Hoske djal kova an t'maro shero trouyel?

O Debleskro Drom 2021 (Sinte)

²² Un o Jesus haiwas, hoi jon mashkral pende jaake penan. Un job penas ap lende: “Hoske djal kowa an tumaro shero trujel?

Louka 5:22 ပူးပေါင်းရင်းမြစ်များ

1. Familjakro liil 28:9

Oun tou, miro čavo Salomo, pats ap o Debleste tiro dadestar, te vell yob tiro Devel. Kre tiro tselo djiyeha, hoy lo touke penell! Yob dikell an i menshengre djia, oun hayvell, hoy an lengre sherya trouyel djal. Te rodeh les, hatseh les. Te moukeh les, čivell lo tout pale hako tsireske.

Debleskri gili 139:2

Tou prindjreh miro beshepen oun miro tardepen. Tou hayveh foun doural, hoy an miro shero trouyel djal.

Gosewe laba 15:26

O baro Devel dikell rhoyedes ap ko midjak koova, hoy lell pes i čilačo glan. Lačes dikell lo ap koleste, kay rakrell lače laba.

Jesaja 66:18

Me djinau kova, hoy yon kran, oun kova, hoy an lengre sherya glan djas. Oun me vau, te lap i menshen khetne dran i tsele themma oun dran hako rakepen. Oun yon venna oun dikenn miro raylepen.

Ezekiel 38:10

Kava penell o baro Devel, maro ray: An ko tsiro vell čomone pre an tiro dji, oun tou leh touke čilačo koova glan.

Mateo 12:15

Oun o Yezous hayvas kova, oun djas peske. Oun boud menshe djan leske palla. Oun yob kras hakenes lendar sasto.

Mateo 12:25

O Yezous hayvas, hoy an lengro shero trouyel djas. Oun yob penas ap lende: Hako them oun hako foro djal paash, kay douy bare raya kourenn pen. Oun an yek kheer nashte venn gar douyen penepaske. Kova djal gar.

Mateo 9:4

Oun o Yezous hayvas, hoy an lengro shero trouyel djas. Oun yob penas ap lende: “Hoske djal savo čilačepen an t'maro shero trouyel?

Markus 8:17

Oun o Yezous hayvas kova, oun penas ap lende: “Hoske rakrenn t'mer pral kova, kay hi t'men kek maro? Dikenn oun hayvenn t'mer gomme gar? Hi t'men i dji har i bar an t'mende?

Louka 24:38

Koy penas lo ap lende: “Hoy dikenn t'mer yaake darenes? Hoske poučenn t'men an t'maro shero, koon me hom?

Louka 5:21

Oun i biboldengre čačepangre oun i Farisarya penan yek ap o vavareste: “Koon hi kava morsh, kay krell pes har o Devel? O Devel kokres nay lell i doosh i menshendar.”

Louka 5:23

Hi kova phareder, te penap: Me lau tiri doosh toutar krik, har te penap ap leste: Ste pre, le tiro čiben oun dja trouyel?

Bičepangre 5:3

O Petro penas ap o Ananias: “Hoske kral tou o bengeske tiro dji pre? Hoske rhorhral tou o Debleskro Dourhes, oun rikral love touke?

Hebrearja 4:12

O Debleskro lab hi djido oun zorelo, oun činell zorleder har i rharo, hoy činell ap douy rigya. Yaake har činell i rharo dour dren an o mass, ninna an i kokale, yaake činell o Debleskro lab dour dren an o mensheskro dji, oun sikrell leste, hoy hi lačo oun čilačo an leskro djipen.

Debleskro tsiro 2:23

Oun kolakre čaven dau moulo. Palle hayvenn i tsele patsle, te hom me kova, kay halauter prindjrella, hoy i menshen an o shero oun an o dji hi. Oun hakeno, kay čilačo koova kras, kova lell mandar koy phagi pal kova, hoy yob kras.