Louka 5:21 - O Debleskro Lab 2024 (Sinte-Manouche)

²¹ Oun i biboldengre čačepangre oun i Farisarya penan yek ap o vavareste: “Koon hi kava morsh, kay krell pes har o Devel? O Devel kokres nay lell i doosh i menshendar.”

O Debleskro Drom 2021 (Sinte)

²¹ Un i biboldengre tchatchepangre un i Farisarja penan jek ap o wawareste: “Koon hi kau mursh, kai krell pes har o Dewel? O Dewel kokres nai lell i doosh i menshendar.”

Louka 5:21 ပူးပေါင်းရင်းမြစ်များ

Debleskri gili 103:3

Yob hi kova, kay miri tseli doosh mandar krik lella, kova, kay miro tselo nasslepen krik lella oun man sastes krella,

Debleskri gili 130:4

Tou hal kova, kay i doosh krik lella. Doleske dikah pre ap toute oun shounah ap toute.

Debleskri gili 32:5

Doleske penom me touke miri doosh, oun khatrom gar o čilačepen, hoy me krom. Me penom mange: “Me kamau o baro Debleske ko čilačepen te penell, hoy krom.” Oun tou lal miri doosh mandar krik.

Debleskri gili 35:5

Mou tradell len o baro Debleskro bolepaskro krik, yaake te venn le har phouss, hoy i dourho krik phourdell!

Jesaja 1:18

“Avenn”, penell o baro Devel, “te kras men tel mende o čačepen vin! Te hi i doosh, hoy t'mer ap t'mende anan yaake lolo har o rat, palle vell li parno, yaake parno har gib. Oun te hi li lolo har i jag, palle vell li yaake parno har o bakrengro bal.

Jesaja 43:25

Kova hom me, kay thovau o čilačepen toutar tele. Me kokres hom kova, kay nay krell les. Oun bistrau koy doosh, hoy tou ap toute lal.

Jesaja 44:22

Ko čilačo koova, hoy tou kral, lom toutar krik, te hi lo gar bouder. Yaake har i nebla, har i folka krik phourdedo vell, yaake phourdom koy doosh krik, hoy ap toute his. Ab pale pash mande, me playsrom touke, te vess miro.

Daniel 9:19

Ah ray, shoun! Ah ray, le mari doosh krik! Ah ray, shoun oun kre čomone! Kre les sik! Gar menge, touke kre les, miro Devel! Tiro foro oun tire menshe venn pal tiro lab kharedo.

Daniel 9:9

Maro ray oun Devel, tout hi i baro dji oun hal kova, kay lell i doosh krik. Mer moukam tiro drom,

3. Mose 24:16

Kova, kay čingrell ap o baro Debleste djoungele labentsa, hounte vell moulo dino. I tsele menshe hounte vitsrenn les i barrentsa moules. Hi yek, te hi lo i Israelitari oder i vi-themari.

Micha 7:19

Ava, tou kreh tiro dji pale menge pre oun stakreh mari doosh tel tire pire. O tselo čilačepen, hoy kram, vitsreh tou dour an o baro pani.

Mateo 26:65

Koy kras o baro rashay peskro ripen paash, te sikrell lo peskri rholi, oun penas ap i vavar pralstunende: “Yob krell pes har o Devel. T'mer shounan les. Kek hounte penell menge boudeder.

Mateo 9:3

Har i biboldengre čačepangre kova shounan, penan le ap pende kokres: “Kova krell pes har o Devel!”

Louka 3:8

Sikrenn i menshende, te djan t'mer ap o Debleskro drom, oun bouder gar ap o čilačo drom! Ma penenn, kay o Abraham t'maro dad hi! Kova anell t'men gar doureder. Me penau t'menge: O Devel nay krell dran kal barra o Abrahameskre čaven.

Louka 5:17

His i dives, kay yob i menshenge o Debleskro lab penas. Oun boud Farisarya oun biboldengre čačepangre his mashkral lende beshdo. Yon van dran i themma Galilea oun Youdea, oun dran o foro Yerusalem. Oun o Yezous kras i menshen sasto an o Debleskri zoor.

Louka 5:22

Oun o Yezous hayvas, hoy yon mashkral pende yaake penan. Oun yob penas ap lende: “Hoske djal kova an t'maro shero trouyel?

Louka 7:49

Kolla, kay koy pashel beshdo hi, penan ap pende: “Koon hi kava morsh, kay nay lell i doosh i menshendar krik?”

Johanni 10:33

Penan kol bibolde ap leste: “Ko lačo koova, hoy tou kral, koleske kamah mer tout gar moulo te dell. Tou anal ladj ap o Debleste. Tou hal i mensho oun kreh, har te vals o Devel. Doleske kamah tout te marell.”

Remarja 8:33

Kek nay anell i doosh ap kolende, kolen o Devel peske vin rodas. O Devel čivas len an o čačepen.