Louka 5:14 - O Debleskro Lab 2024 (Sinte-Manouche)

¹⁴ Oun o Yezous penas leske: “De yak, te peness kekeske, hoy me touke krom! Dja pash o rashayeste oun sike leste, kay tiro nasslepen toutar djas. Oun an kova glan o Debleste, hoy o Mose penas, te djinenn i menshe, kay tou sasto val!”

O Debleskro Drom 2021 (Sinte)

¹⁴ Un o Jesus penas leske: “De jak, te peness kekeske, hoi me tuke krom! Dja pash o rashajeste un sike leste, kai tiro nasslepen tutar djas. Un an kowa glan o Debleste, hoi o Mose penas, te djinenn i menshe, kai tu sasto wal!”

Louka 5:14 ပူးပေါင်းရင်းမြစ်များ

3. Mose 13:2

Te vell pash i mensheste i kotar hauta pesso oder nasselo oder parno, yaake te darenn le, kay kova i djoungelo nasslepen hi, palle vell ko mensho pash o rashayeste anlo, pash o Aroneste oder pash yekeste leskre morsh čavendar.

Mateo 10:18

T'mer patsenn ap mande. Doleske anenn le t'men glan i pralstunende oun glan i bare rayende, te rakrenn yon i phagi vin pral t'mende. Kova vell ap t'mende, te rakrenn t'mer mandar glan lende oun glan kolende, kay o Debles gar prindjrenna.

Mateo 12:16

Oun yob penas zoreles ap lende, te penenn le kova kekeske.

Mateo 8:4

Oun o Yezous penas ap leste: “Shoun, pen kekeske, hoy me touke krom! Dja an o Debleskro baro kheer pash o rashayeste oun sike leste, kay tiro nasslepen toutar djas! Oun an kova glan o Debleste, hoy o Mose penas, te djinenn i menshe, kay tou sasto val.”

Mateo 9:30

Oun yon nay dikan. Oun o Yezous penas zoreles ap lende: “Te shounell kova kek!”

Markus 1:44

“Shoun, pen kekeske, hoy me krom touke! Dja pash o rashayeste oun sike leste, kay tou sasto val! Oun an kova glan o Debleste, hoy o Mose penas, te vess erligo kerdo. Kre kova, te djinenn i menshe, kay tou sasto val.”

Markus 6:11

Kote, kay lenn le t'men gar an pengro kheer dren, oun kamenn gar ap t'mende te shounell, kote djan doureder, oun denn koy čik t'mare pirendar tele! Kova sikrell kol menshende, kay yon čilačo hi.”

Louka 17:14

Oun o Yezous dikas len, oun penas ap lende: “Djan pash o rashayeste, oun sikrenn t'men glan leste!” Oun har yon djan, van yon ap o drom sasto.

Louka 5:13

Oun o Yezous čivas peskro vast ap leste, oun penas: “Me kamau, te vess sasto.” Oun ap yek kopo djas o nasslepen lestar.

Louka 9:5

Oun te lenn le t'men gar an pengro kheer dren, djan t'menge dran kava foro, oun denn koy čik t'mare pirendar tele! Oun kova sikrell i menshende, kay yon čilačo hi.”