Louka 4:37 - O Debleskro Lab 2024 (Sinte-Manouche)

³⁷ Oun an hake gaba oun forya, kay kote his, shounan le lestar.

O Debleskro Drom 2021 (Sinte)

³⁷ Un an hake gaba un forja, kai kote his, shunan le lestar.

Louka 4:37 ပူးပေါင်းရင်းမြစ်များ

Jesaja 52:13

Dik, kova, hoy miro boudepaskro krell, djal leske mishto. Yob vell sharedo oun bares kerdo, oun vell dour pral tardo.

Mateo 9:26

Oun i tsele menshe, kay kote an i forya oun gaba djivan, shounan kova.

Mateo 9:31

Oun yon djan vin, oun rakran pral kova, hoy yob lenge kras, yaake te shounan le lestar an kol tsele forya oun gaba trouyel.

Markus 1:28

Oun an i tikno tsiro shounas hakeno lestar an kava tselo them Galilea.

Markus 1:45

Oun ko morsh djas peske, oun rakras boud pral kova, hoy o Yezous leske kras. Oun boud shounan kova, yaake, te nay djas o Yezous bouder gar an i forya dren, har yob kamas. Oun yob his vin, kote, kay kek menshe djivan. Oun kote van le pash leste dran i tsele gaba oun forya.

Markus 6:14

Ninna o baro ray, o Herodes, shounas o Yezousestar. An o tselo them rakran le lestar. I menshe penan: “O Yohanni, kova, kay i menshen taufras, stas i moulendar pre. Doleske hi les i zoor, te krell lo savo baro koova.”

Louka 4:14

Oun o Yezous djas pale an o them Galilea. Oun o Debleskri zoor his an leste. Oun an i tsele gaba oun forya, kay kote his, shounan le lestar.