Louka 4:17 - O Debleskro Lab 2024 (Sinte-Manouche)

¹⁷ Koy dan le les ko liil, hoy o Debleskro rakepaskro, o Yesaya, činas. Oun yob kras kava liil pre, oun kote hatsas lo kol laba:

O Debleskro Drom 2021 (Sinte)

¹⁷ Koi dan le les ko liil, hoi o Debleskro rakepaskro, o Jesaja, tchinas. Un job kras kau liil pre, un kote hatsas lo kol laba:

Louka 4:17 ပူးပေါင်းရင်းမြစ်များ

Louka 16:29

Koy penas o Abraham: Len hi o Moseskre laba oun kolla lila, hoy o Debleskre rakepangre činan. Ap kolende hounte shounenn yon!

Louka 20:42

O David činas an peskre gilya: O Devel penas ap miro rayeste: Besh tout ap miri čači rig,

Louka 4:16

Oun yob vas an o foro Nazaret, kay yob baro vas. Ap o Debleskro dives djas lo an i biboldengri kangri, har yob kova hako Debleskro dives kras. Oun yob stas pre, te draverell lo an o Debleskro lab.

Louka 4:18

O Debleskro Dourho hi ap mande. Yob rodas man vin, te penap i čorvelenge o Debleskro lačo lab. Oun yob bičras man, te penap kolenge, hoy stilde hi, te venn le dran lengro stilepen vin, oun kolenge, kay korelo hi, te dikenn le pale, oun kolenge, kay pale-čiddo hi, te venn le pale erligo,

Louka 4:20

Oun o Yezous kras kava liil pandlo, oun das les pale, oun beshas pes. Oun i tsele menshe an i biboldengri kangri dikan ap leste.

Bičepangre 13:15

Koy pal, har i bibolde dran kol lila glan draveran, hoy o Mose oun o Debleskre rakepangre činan, moukan lenge kol pralstoune pral i biboldengri kangri te penell: “Mare phrala, te kamenn t'mer menge i lab te penell, hoy krell men zorelo an o patsepen, penenn les menge!”

Bičepangre 13:27

Kolla, kay djivenn an o foro Yerusalem, oun lengre pralstoune hayvan gar, koon o Yezous hi. Yon hayvan vitar gar kol laba, hoy o Debleskre rakepangre pral leste penan, ninna te venn kal laba hako Debleskro dives an i biboldengre kangria dravedo. Har yon o Yezouses ap o troushel dan, kran yon kova, hoy o Debleskre rakepangre glan i rah tsiro penan.

Bičepangre 7:42

O Devel djas peske lendar oun moukas len. Koy mangan yon i momlia an o bolepen an. Yaake vas kova, hoy činlo hi an o liil, kay o Debleskre rakepangre činan. Kote penell o Devel: Morshale an Israel, mange rhačran t'mer kek firhen, oun anan kek rhapen glan mande an kol star-deesh bersha, har hans an o moulo them.