Louka 24:51 - O Debleskro Lab 2024 (Sinte-Manouche)

⁵¹ Oun har yob yaake rakras, djas lo lendar oun vas pral an o bolepen hadedo.

O Debleskro Drom 2021 (Sinte)

⁵¹ Un har job jaake rakras, djas lo lendar un was pral an o bolepen hadedo.

Louka 24:51 ပူးပေါင်းရင်းမြစ်များ

2. Rajengro liil 2:11

Oun har yon yaake djan oun khetne rakran, koy vas i yagakro vourdin i grayentsa dran yag oun djas mank lende. Oun i phourdepen hidjras o Eliya an o bolepen.

Markus 16:19

Har o ray Yezous yaake lentsa rakras, vas lo pral an o bolepen hadedo, oun beshas pes ap o Debleskri čači rig.

Louka 24:50

Oun yob djas pash o gab Betani peskre malentsa. Koy hadas lo peskre vasta oun penas: “O Devel ačell t'mentsa!”

Louka 24:52

Oun yon sharan les, oun djan barhteles pale an o foro Yerusalem.

Johanni 20:17

Penas o Yezous ap late: “Ma tape ap mande! Me djom gomme gar pash o dadeste pale. Dja pash mire phralende oun pen lenge: Me djau pash miro dadeste oun pash t'maro dadeste oun pash miro Debleste oun pash t'maro Debleste.”

Bičepangre 1:9

Har yob kova penas, vas yob glan lengre yaka an o bolepen hadedo, oun i folka las les pre.

Hebrearja 1:3

O Debleskro čavo hi raylo oun baro har o Devel. Oun kova, hoy hi o Debles an o dji, hi ninna o čaves an o dji. Dran leskro zorelo lab rikrell lo lauter khetne, hoy yob kras. O Debleskro čavo las mari doosh oun maro čilačepen mendar, oun yob beshas pes ap i čači rig o baro Deblestar an o bolepen.

Hebrearja 4:14

Men hi i baro rashay. Kova hi o Yezous, o Debleskro čavo. Yob djas pash o Debleste an o bolepen, te mangell lo les menge. Doleske moukas mer gar tele, te rikras zoreles ap maro patsepen.