Louka 24:39 - O Debleskro Lab 2024 (Sinte-Manouche)

³⁹ Dikenn mire vasta oun mire herya! Me hom les. Taprenn man an, oun hayvenn: Kek moules hi mass oun kokale ap peste, har t'mer les pash mande dikenna!”

O Debleskro Drom 2021 (Sinte)

³⁹ Dikenn mire wasta un mire herja! Me hom les. Taprenn man an, un haiwenn: Kek mules hi mass un kokale ap peste, har tumer les pash mande dikenna!”

Louka 24:39 ပူးပေါင်းရင်းမြစ်များ

Sikepaskro 12:7

O mensho vell pale phoub, kolatar yob kerdo vas. Oun o dourho hounte djal pale pash o Debleste, kay das o dourhes o mensheste.

4. Mose 16:22

Kol douy moukan pen ap pengro mouy te perell, oun penan: “Ah Devel, tou hal o Devel, kay das hakenes o djipen! Te kras yek morsh i čilačo koova, kameh tou doleske tiri rholi pral i tsele menshende te čivell?”

Louka 23:46

Oun o Yezous das bari gole: “Miro dad, an tire vasta čivau me miro djipen!” Oun palle meras lo.

Louka 24:38

Koy penas lo ap lende: “Hoy dikenn t'mer yaake darenes? Hoske poučenn t'men an t'maro shero, koon me hom?

Louka 24:40

Oun har yob kova penas, sikras yob lende peskre vasta oun pire.

Johanni 20:20

Har yob kova penas, sikras yob lende peskre vasta, oun peskri rig. Koy van o Yezouseskre mala barhtelo, kay dikan le pengro rayes.

Johanni 20:25

Ap leste penan i vavar kol deesh-te-douyendar: “Mer dikam maro rayes!” Yob penas ap lende: “Te dikau me gar leskre vasta, kay saster dren dino vas, oun te čivau me gar miro goushto koy dren oun miro vast an leskri rig, patsau me kova gar.”

Johanni 20:27

Pal kova penas yob ap o Thomas: “Čip tiro goushto ap mire vasta, oun čip tiro vast an miri rig. Ač gar har yek, kay patsell gar. Pats kanna!”

Bičepangre 1:3

Pal peskro merepen, djivas lo star-deesh (40) divessa kate ap kay phoub, oun moukas pes lendar te dikell boud kope. Oun čačepah yon dikan, kay hi yob djido. Oun yob rakras lentsa pral o tsiro, kay hi o Devel o ray pral i tsele menshende.

1. Tessalonikarja 5:23

O Devel kras i drom, te vas pash leste. Lestar mangau, te krell lo t'maro tselo djipen djoudjo glan leste, te rikrell lo t'men an peskre vasta, yaake te hatsell lo kek doosh ap t'mende ap ko dives, kay vell maro ray, o Yezous Kristo, pale.

Hebrearja 12:9

Har čave hams, dan men mare dada i phagi. Oun mer hounte shounam ap lende. Kitse boudeder hounte shounas ap maro dadeste an o bolepen, te djivas.

1. Johanni 1:1

Mer činah t'menge pral koleste, kay his hako tsiro koy. Mer shounam les, oun dikam les. Ava, mer dikam les mare yakentsa, oun tapram les mare vastentsa. Yob hi ko lab, hoy o djipen della.