Louka 24:26 - O Debleskro Lab 2024 (Sinte-Manouche)

²⁶ Kolla penan: O Kristo, ko baro ray, kones o Devel bičras, hounte las douka ap peste, te djas lo an peskro raylepen.”

O Debleskro Drom 2021 (Sinte)

²⁶ Kolla penan: O Kristo, ko baro rai, kones o Dewel bitchras, hunte las duka ap peste, te djas lo an peskro railepen.”

Louka 24:26 ပူးပေါင်းရင်းမြစ်များ

1. Mose 22:6

O Abraham las ko kasht rhačepaske, oun das ko kasht peskro čaveste te hidjrell. Yob kokres las i yag oun i čouri. Yaake djan yon douy khetne doureder.

Daniel 9:26

Oun pal kol efta kope 62 (shob-deesh-te-douy) bersha vell ko ray maredo, kay o Deblestar bičedo vas. Oun kek his ap leskri rig tardo. Oun palle venna lourde yek rayestar, kay gomme vella, oun denn o fores oun o Debleskro kheer paash. Oun yon djan tele har an i baro pani. Oun yaake rah har i phoub gomme koy hi, ačell kourepen oun marepen. Kova hi i vi-kerdo koova.

Zakarie 13:7

O baro Devel, ko ray pral o bolepen oun i phoub, penell: “Miro rharo, hade tout! Dja ap o bakrengro pre, kay mange boudrella, ap koleste, kay pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro vast.”

Louka 24:44

Oun yob penas: “Har me pash t'mende homs, penom me ap t'mende: Halauter hounte vell čačo, hoy o Mose činas, oun hoy o Debleskre rakepangre pral mande penan, oun hoy an o Debleskre gilya činlo hi.”

Louka 24:46

oun penas ap lende: “Yaake hi činlo an o Debleskro lab: O Kristo, ko baro ray, kolestar o Devel penas, te vell yob, kova hounte lell douka ap peste, oun pal triin divessa stell lo i moulendar pre.

Louka 24:7

Yob penas t'menge: O Mensheskro Čavo hounte vell an i čilače vasta dino, oun ap o troushel dino. Oun pal triin divessa stell lo i moulendar pre.”

Johanni 2:22

Pal i tsiro, har o Yezous i moulendar pre stas, van leskre malenge kol laba pale an o shero, hoy o Yezous penas. Oun yon patsan, kay kova lauter čačo hi, hoy an o Debleskro lab činlo hi, oun hoy o Yezous penas.

Johanni 20:9

Yon hayvan gar, hoy an o Debleskro lab tardo hi, kay yob hounte stella i moulendar pre.

Bičepangre 17:3

Yob sikras lende, kay an o Debleskro lab činlo hi, har ko baro ray, kay o Deblestar vella, hounte las boud douka ap peste, oun stas i moulendar pre. “Oun me penau t'menge,” penas o Paulo, “kava Yezous, kolestar rakrau, kova hi ko baro ray, kolestar o Devel penas, te vell yob.”

Hebrearja 12:2

Te dikas ap o Yezous Kristeste! Kova anas men ap o Debleskro drom, oun djal glan mende, bis te vah pash leste. O Yezous Kristo meras ap o troushel. Ninna te his kova i ladj leske, las lo kava merepen ap peste. Yob djinas, pal kova vell i bari barht ap leste. Oun kanna hi lo beshdo ap o Debleskri čači rig.

1. Petro 1:11

Yon kaman ninna ko tsiro te djinell, kay kova vella. O Yezouseskro Dourho his an lende. Oun kova sikras len kol douka, hoy venna pral o Yezouseste, oun ko raylepen, hoy lell lo pal kova.

1. Petro 1:3

Mer sharah o Debles, ko dades maro rayestar, o Yezous Kristestar. O Devel kamas men yaake boud, te vas yob maro dad oun das men o nevo djipen. Oun an mare djia djinah zoreles, yaake har yob o Yezous Kristes i moulendar djido kras,