Louka 23:56 - O Debleskro Lab 2024 (Sinte-Manouche)

⁵⁶ Oun yon djan an o foro pale, oun kran kouč djet, hoy mishto soungella, te makenn le les dren. Ap o Debleskro dives kran le kek boudi, yaake har kova pash i biboldende hi.

O Debleskro Drom 2021 (Sinte)

⁵⁶ Un jon djan an o foro pale, un kran kutch djet, hoi mishto sungella, te makenn le les dren. Ap o Debleskro diwes kran le kek budi, jaake har kowa pash i biboldende hi.

Louka 23:56 ပူးပေါင်းရင်းမြစ်များ

2. Familjakro liil 16:14

oun vas paskedo an peskri barrengri grufta, hoy moukas yob peske vin te dell an o Davideskro foro. Oun yon čivan les ap i čiben, kay boud lačo soungepaskro koova oun soungepaskro djet dren his, hoy kolla kran, kay hayvan pen mishto koy pre. Oun yon kran i bari yag, te sharenn le les.

2. Mose 31:14

Rikrenn o Debleskro dives t'menge! Koon les gar rikrella, vell temerl dino. Ava, hakeno, hoy ap o Debleskro dives boudrella, hounte djivell bouder gar mank peskre menshende.

Markus 16:1

Har o Debleskro dives trouyel his, djan i Maria dran Magdala oun i Maria, koy day o Yakobestar, oun i Salome oun ginan djet, hoy soungella mishto, te makenn le les dren.

Louka 24:1

Sik taysarlake, pal o Debleskro dives, lan le kouč djet, hoy yon kokres kran, oun djan pash ko moulengro kheer.

5. Mose 5:14

O eftato dives hi mange, tiro baro Debleske. Ap ko dives kress tou kek boudi, vitar gar tire čave oun ča, vitar gar tiro boudepaskro oun tiri boudepaskretsa, vitar gar tiri groumni, tiri bourika tire vavar firhe, vitar gar kol vi-themarya, kay an tiro foro djivenna. Yaake har tou hounte boudress gar, hounte boudrenn tire boudepangre vitar gar.