Louka 23:11 - O Debleskro Lab 2024 (Sinte-Manouche)

¹¹ Oun o Herodes oun leskre lourde san pral leste, rivan leske i rayeskri plaashka an, oun moukan les pale pash o Pilateste te anell.

O Debleskro Drom 2021 (Sinte)

¹¹ Un o Herodes un leskre lurde san pral leste, riwan leske i rajeskri plaashka an, un mukan les pale pash o Pilateste te anell.

Louka 23:11 ပူးပေါင်းရင်းမြစ်များ

Debleskri gili 22:6

Ap toute dan le gole, oun tou lal len vin. Ap toute dikan le, oun tou moukal len gar kokres.

Jesaja 49:7

O baro Devel, kova, kay o Israel dran o čilačepen vin lell, oun kokres leskro Devel hi, yob penell koleske, kay i menshe tele dikenn ap leste, oun koles i menshe dran boud themma gar kamenna, oun lengre raya lestar pengro boudepaskro krenn, ap koleste penell o baro Devel: Bare raya dikenn tout, oun stenn pre glan toute. Oun pralstoune dikenn tout oun vitsrenn pen ap i phoub glan toute, Yon dikan, kay rikrau pash toute, me, o Israeleskro Devel, kay tout vin rodom.

Jesaja 53:3

I menshe dikan tele ap leste, oun čivan les ap i rig. I morsh pherde douka oun nasslepen his lo. I grerho his lo lenge, glan koleste yon pengro shero krik rissran. Oun menge his lo či-moldo.

Mateo 14:1

Ap ko tsiro his o Herodes o baro ray pral o them Galilea. Oun yob shounas, hoy pral o Yezouseste rakedo vas.

Mateo 14:3

Glan ko tsiro las o Herodes koy romyat peskro phralestar Filip. Lakro lab his Herodia. Oun o Yohanni penas leske: “Kova hi gar mishto, kay tou lal tiro phraleskri romyat.” Doleske penas o Herodes ap peskre lourdende, te taprenn le o Yohannes, te pandenn le les, oun te vitsrenn le les an o stilepen.

Mateo 14:6

Koy vas ko dives, kay vas o Herodes i bersh phoureder. Oun yob moukas i baro rhapen te krell. Oun i Herodiakri čay vas, oun khelas glan leste oun glan kolende, kay pash leste hi. Oun lakro khelepen his yaake shoukar an leskre yaka,

Markus 9:12

Koy penas lo ap lende: “Čačepah, o Eliya vell oun anell o Debleskre menshen pale khetne. Hoske hi činlo pral o Menshengro Čaveste, kay hounte venn boud douka ap leste oun kay i menshe rikrenn či lestar?

Louka 23:10

I bare rashaya oun i biboldengre čačepangre his koy pashel tardo, oun anan boud čilačo koova ap o Yezouseste.

Johanni 19:5

Oun o Yezous vas vin. Oun ap leskro shero his i pandle soubyengre kashta, oun koy loli kouč plaashka his ap leste. Oun o Pilato penas ap lende: “Dikenn, havo mensho hi lo!”

Jakobo 2:2

Hoy krans t'mer, te vals yek pash t'mende an i kangri, oun les vals i sonakaskri goustri ap peskro vast oun rayle ripya ap peste, oun koy vals ninna i čorvelo an čorvele ripya dren?

Jakobo 2:3

Oun t'mer penans ap koleste, kay raylo rido hi: “Besh tout kay ap ko shoukar beshepaskro,” oun ap ko čorveleste penans: “Ač koy tardo! Tou nay besheh tout ninna ap kay phoub!”