Louka 22:66 - O Debleskro Lab 2024 (Sinte-Manouche)

⁶⁶ Oun har o dives vas, moukan i biboldengre phoureder, i bare rashaya oun i čačepangre o Yezouses pash pende te anell.

O Debleskro Drom 2021 (Sinte)

⁶⁶ Un har o diwes was, mukan i biboldengre phureder, i bare rashaja un i tchatchepangre o Jesuses pash pende te anell.

Louka 22:66 ပူးပေါင်းရင်းမြစ်များ

Mateo 27:1

Sik taysarlake van i tsele bare rashaya oun i biboldengre phoureder khetne. Oun khetne kran le vin, te marenn le o Yezouses.

Mateo 5:22

Me penau t'menge: Koon ap peskro phraleste rhoyedo hi, kova hounte vell glan o čačepaskro anlo. Oun koon peskro phrales praasella, kova hounte vell glan i pralstoune čačepangre anlo. Oun koon penella: Dja touke pash o bengeste! kova vella an o bengeskri yag vitsedo.

Markus 15:1

Sik taysarlake van i bare rashaya oun i biboldengre phoureder oun čačepangre khetne i tsele pralstoune biboldentsa. Oun yon rakran khetne, hoy te krenn le o Yezouseha. Oun yon pandan les, anan les pash o Pilateste oun dan les an leskre vasta.

Johanni 18:28

Kanna anan le o Yezouses dran o Kayafeskro kheer vin, oun anan les an o baro kheer o themeskro rayestar, kay i Remari his. His taysarlake. I bibolde djan gar leha an ko baro kheer dren, te venn le gar pale-čiddo. Yon kaman te nay rhan le ko rhapen ap ko baro dives, kay kharella Passa.

Bičepangre 22:5

Ko baro rashay oun kol tsele biboldengre phoureder nay penenn, kay kova čačo hi, hoy penau kate. Har kamom an o foro Damaskus te djal, dan man i rashaya lila peha i biboldenge an o foro, te nay pandap ninna kote kolen, kay djan ap ko nevo drom, te anap len an o foro Yerusalem, te lenn le kote pengri phagi.