Louka 22:37 - O Debleskro Lab 2024 (Sinte-Manouche)

³⁷ Me penau t'menge: Hi činlo pral mande an o Debleskro lab: Yon penenn lestar, te hi lo yek lendar, kay čilačo hi. Čačepah, lauter, hoy pral mande činlo vas, vella čačo.”

O Debleskro Drom 2021 (Sinte)

³⁷ Me penau tumenge: Hi tchinlo pral mande an o Debleskro lab: Jon penenn lestar, te hi lo jek lendar, kai tchilatcho hi. Tchatchepah, lauter, hoi pral mande tchinlo was, wella tchatcho.”

Louka 22:37 ပူးပေါင်းရင်းမြစ်များ

Jesaja 53:12

Doleske dau me les i platsa mank i bare oun zorele rayende. Doleske, te das yob peskro djipen an o merepen. Ninna te dikan i menshe ap leste, har te vals lo i čilačo, las yob i doosh kol boudendar ap peste, oun mangas o Debles i čilačenge.

Markus 15:27

Khetne leha dan le douy marepangren ap o troushel. Ko yekeskro troushel his čačes lestar, ko vavareskro troushel his serves lestar.

Louka 18:31

Oun o Yezous las i deesh-te-douy ap i rig oun penas lenge: “Shounenn! Mer djah kanna an o foro Yerusalem. Kote vell lauter čačo, hoy o Debleskre rakepangre pral o Menshengro Čaveste činan:

Louka 22:22

Me, o Mensheskro Čavo, hounte merap. Ninna te hi mange glan diklo, te djap kava drom, havi bibarht vell ap koleste, kay ap mande phoukrella!”

Louka 22:36

Penas lo: “Kanna lenn love t'mentsa! Lenn ninna i gono peha, kay čivenn t'mer t'mare koola dren! Oun bikrenn t'mari plaashka, te ginenn t'menge i rharo!

Louka 22:52

Oun o Yezous penas ap i bare rashayende oun ap i pralstunende pral o Debleskro baro kheer oun ap i biboldengre phoureder, kay pash leste van: “T'mer van rharentsa oun kashtentsa pash mande, har te voms i marepaskro.

Louka 23:32

Ninna douy čilače morsha van o Yezouseha glan o foro anlo, te venn le kote ap o troushel dino.

Louka 24:27

Palle penas o Yezous lenge, hoy o Mose oun i tsele Debleskre rakepangre pral leste činan.

Johanni 10:35

Kolentsa, kay o Devel rakras, ap kolende penas yob debla. Oun kova, hoy an o Debleskro lab činlo hi, nay vell gar krik lino.

Johanni 17:4

Me sikrom kol menshen tiro raylepen oun tiri zoor ap i phoub. Oun me krom halauter, hoy tou mange penal.

2. Korintarja 5:21

O Devel čivas mari tseli doosh ap maro rayeste, o Yezous Kristeste, kay yob kek čilačepen kras, te vas mer čačo oun erligo glan o Debleskre yaka.

Galatarja 3:13

Mer nashte rikram kova lauter gar. Oun dran kova vam tel o Debleskro praasepen. Oun o Yezous Kristo las ko praasepen mendar krik, har yob ap o troushel dino vas, oun yaake menge praasedo vas. O Debleskro lab penella: Hakeno, koon ap o troushel dino vella, hi praasedo.