Louka 22:36 - O Debleskro Lab 2024 (Sinte-Manouche)

³⁶ Penas lo: “Kanna lenn love t'mentsa! Lenn ninna i gono peha, kay čivenn t'mer t'mare koola dren! Oun bikrenn t'mari plaashka, te ginenn t'menge i rharo!

O Debleskro Drom 2021 (Sinte)

³⁶ Penas lo: “Kanna lenn lowe tumentsa! Lenn ninna i gono peha, kai tchiwenn tumer tumare koola dren! Un bikrenn tumari plaashka, te ginenn tumenge i charo!

Louka 22:36 ပူးပေါင်းရင်းမြစ်များ

Mateo 10:10

Lenn kek possita t'mentsa, kek douyto gad, kek kirrha, vitar kek kasht! I boudepaskro lell peskro rhapen kolendar, kolenge yob boudrella.

Louka 22:35

Oun yob penas ap peskre malende: “Har me t'men ap o drom bičrom, his t'men kek love, vitar kek gono oun kek kirrha pash t'mende. His t'men bok? His t'men troush?” Penan le: “Na-a, gar yek kopo!”

Louka 22:37

Me penau t'menge: Hi činlo pral mande an o Debleskro lab: Yon penenn lestar, te hi lo yek lendar, kay čilačo hi. Čačepah, lauter, hoy pral mande činlo vas, vella čačo.”

Louka 22:38

Penan leskre mala ap leste: “Ray, kate hi douy rhare.” Penas lo: “Kanna hi doha!”

Johanni 15:20

Rikrenn an t'maro shero, hoy me t'menge penom: I boudepaskro hi gar bareder har leskro ray. Lan man yon palla, lenn yon t'men ninna palla. Te shounan yon ap kova, hoy me lenge penom, shounenn yon ninna, hoy t'mer lenge penenna.

Johanni 16:33

Kova lauter penom t'menge, te vell t'men i bari barht an o dji pral kova, kay han mire. Kate ap kay phoub hi t'men daar. Ma darenn! Me hom zorleder har halauter ap kay phoub.”

1. Tessalonikarja 3:4

Kova penam t'menge, har pash t'mende hams. Oun t'mer dikan, kova vas yaake.

1. Petro 4:1

O Yezous Kristo las bare douka ap peste, har yob ap i phoub his. Doleske, ma darenn, te venn ninna douka ap t'mende. Koon an peskro djipen douka hayvas, kova moukell o čilačepen.