Louka 22:26 - O Debleskro Lab 2024 (Sinte-Manouche)

²⁶ Me penau t'menge: Ma krenn kova yaake har kolla! O bareder mashkral t'mende hounte vell yaake har o tikneder t'mendar. Oun kova, kay kamell o pralstouno te vell, hounte vell o telstouno, kay boudrell i vavarenge.

O Debleskro Drom 2021 (Sinte)

²⁶ Me penau tumenge: Ma krenn kowa jaake har kolla! O bareder mashkral tumende hunte well jaake har o tikneder tumendar. Un kowa, kai kamell o pralstuno te well, hunte well o telstuno, kai budrell i wawarenge.

Louka 22:26 ပူးပေါင်းရင်းမြစ်များ

Mateo 20:26

Mank t'mende hounte vell kova gar yaake! Koon t'mendar kamell, te vell lo baro, kova hounte vell t'menge koy.

Markus 10:43

Mank t'mende hounte vell kova gar yaake! Koon t'mendar kamell, te vell lo baro, kova hounte vell t'maro boudepaskro.

Markus 9:35

Koy beshas lo pes, oun das kol deesh-te-douyen gole, oun penas ap lende: “Yek te kamell o pralstouno te vell, hounte vell kova o tikneder lauterendar. Oun yob hounte boudrell i vavarenge.”

Louka 9:48

oun penas ap lende: “Kova, kay lell kava čaves pash peste pre an miro lab, kova lell man pash peste pre. Koon man pre lella, kova lell koles pre, kay bičras man. Koon mashkral t'mende o tikneder hi, kova hi baro.”

Remarja 12:2

I menshe ap kay phoub djivenn pal pengro shero. Ma djivenn yaake har yon! Moukenn t'men o Deblestar neves te krell, te hayvenn t'mer, hoy yob kamella: kova, hoy hi lačo oun mishto oun čačo.

1. Petro 5:3

Ma avenn raya pral i patslende! Sikrenn lende, har t'mer djivenna, te djivenn yon ninna yaake!

1. Petro 5:5

Kol terne menshenge penau me: Krenn kova, hoy kol phoureder phrala t'menge penenna! Hakeneske penau: Kek te krell, har te vell lo bareder har ko vavar! O Devel hi gar ap i rig kolendar, kay krenn pen bares. Na-a, yob hi lačes kolenge, kay krenn pen gar bares.