Louka 22:17 - O Debleskro Lab 2024 (Sinte-Manouche)

¹⁷ Oun o Yezous las o khoro, parkras pes pash o Debleste, oun penas ap lende: “Ake, lenn oun piyenn halauter kay mool!

O Debleskro Drom 2021 (Sinte)

¹⁷ Un o Jesus las o khoro, parkras pes pash o Debleste, un penas ap lende: “Ake, lenn un pijenn halauter kai mool!

Louka 22:17 ပူးပေါင်းရင်းမြစ်များ

Debleskri gili 116:13

Me anau les i khoro mool, te parkrap man pash leste, kay las lo man vin dran o merepen.

Debleskri gili 23:5

Glan i yaka kolendar, hoy mange čilačepen kamenn, čiveh tou mange lačo rhapen pre. Miro shero makeh o djeteha, hoy mishto soungella. Miro khoro nashella pral.

Jeremia 16:7

Koy hi kek bouder, kay dell rhapen kolen, kay pral ačan oun rovenn. Ninna te meras lengro dad oun lengri day, hi kek koy, kay dell len čomone te piyell, te venn le pale zoreles.

Mateo 14:19

Palle penas lo ap kol tsele menshende, te beshenn le pen. Oun yob las kol panč mare oun kol douy mače, dikas pre, parkras pes pash peskro dadeste an o bolepen, oun phagas kol mare an kotya, oun das len peskre malende. Oun kalla dan len i tsele menshende te rhal.

Mateo 15:36

Oun yob las kol efta mare oun kol mače, parkras pes pash o Debleste, oun phagas len an kotya. Oun yob das len peskre malende, oun kolla dan len halauterende, kay kote beshdo hi.

Mateo 26:26

Har yon rhan, las o Yezous o maro, parkras pes pash o Debleste, phagas ko maro, das les peskre malende, oun penas: “Ake, lenn ko maro oun rhan les! Kava maro hi miro mass.”

Markus 14:22

Har yon rhan, las o Yezous o maro, parkras pes pash o Debleste, phagas ko maro, das les peskre malende, oun penas: “Lenn ko maro oun rhan les! Kava maro hi miro mass!”

Louka 22:19

Oun yob las i kotar maro, parkras pes pash o Debleste, phagas ko maro, das kova lende, oun penas ap lende: “Ake, rhan! Kava maro hi miro mass. Me dau man t'menge. Te hom bouder gar koy, krenn kova pale oun pale, te vell t'menge an t'maro shero, hoy me krom t'menge!”

Louka 9:16

Oun yob las kol panč mare oun kol douy mače, oun dikas pre ap o bolepen, oun parkras pes pash o Debleste. Oun palle phagas yob kol mare oun mače an kotya, oun das len peskre malende, te denn le len i menshende.

Remarja 14:6

Koon rikrell o Debleskro dives bareder har i vavar divessa, krell kova o Debleske. Koon patsell, te nay rhal lo lauter, krell kova o Debleske oun parkrell pes pash leste. Koon patsell, te nay rhal lo gar lauter, kova krell les ninna o Debleske, oun sharell o Debles ninna.

1. Korintarja 10:16

Te vah khetne, te piyas dran o Yezouseskro khoro, parkrah men koleske pash o Debleste, oun djinah, o Yezous Kristo ratas oun meras menge oun las mari doosh mendar krik. Te phagah ko maro oun rhah les, rikrell men kova o Yezous Kristeha khetne.

1. Korintarja 11:23

Hoy me t'menge penom, kova penas mange o ray Yezous. Koy rati, kay vas ap maro rayeste, o Yezouseste, phoukedo, las yob ko maro,

5. Mose 8:10

Oun te rhan oun van čales, palle sharenn t'maro baro Debles ko lačo themeske, hoy lo t'men das.

1. Samuel 9:13

palle taprenn t'mer les gomme glan o rhapen ap o drom ap i pralstouni platsa. I tsele menshe rhayenn gar, bis te vas lo oun penas lače laba pral ko firheste, hoy o Debleske maredo vas. Palle rhayenn kolla lauter khetne, kolenge penlo vas, te venn le pash kava rhapen pashel. Djan sik, palle nay taprenn les gomme.”