Louka 21:37 - O Debleskro Lab 2024 (Sinte-Manouche)

³⁷ Hako dives rakras o Yezous an o Debleskro baro kheer. I rati djas yob pash koy berga, hoy kharella djeteskri berga, oun ačas koy.

O Debleskro Drom 2021 (Sinte)

³⁷ Hako diwes rakras o Jesus an o Debleskro baro kheer. I rati djas job pash koi berga, hoi kharella djeteskri berga, un atchas koi.

Louka 21:37 ပူးပေါင်းရင်းမြစ်များ

Zakarie 14:4

Yob hi tardo ap o djeteskri berga, hoy glan o foro Yerusalem čiddo hi, kote kay o kham pre djala. Oun koy berga phagell mashkral an douy kotya, foun kotar kay o kham pre djal bis kote, kay o kham tele djal. Yek kotar djal ap i servi rig, o vavar kotar ap i čači rig. Oun mank kol douy berge hi i bourhli tala.

Mateo 21:1

Ap o drom an o foro Yerusalem van le an o gab Betfage, kay pash o djeteskri berga čiddo hi. Oun kote penas o Yezous ap douyende peskre malendar:

Mateo 21:17

Oun yob moukas len, djas dran o foro vin, oun vas an o gab Betani. Oun kote ačas lo pral i rat.

Mateo 26:30

Oun palle givan le o Debleske i gili, oun djan vin pash o djeteskri berga.

Mateo 26:55

Oun koy pre penas lo ap kol tsele morshende, kay troul leste tardo hi: “T'mer van i rharentsa oun i kashtentsa pash mande, har te voms i marepaskro. Hako dives homs an o Debleskro baro kheer oun sikrom i menshende o Debleskro drom. Oun t'mer tapran man gar.

Markus 11:12

Oun o vavar dives, har o Yezous dran o gab Betani djas, las lo bok.

Markus 11:19

Oun ap i rati djas lo peskre malentsa vin glan o foro.

Markus 14:49

Hako dives homs pash t'mende an o Debleskro baro kheer oun sikrom i menshende o Debleskro drom. Oun t'mer tapran man gar. Kava koova vell yaake, te vell čačo, hoy o Debleskre rakepangre glan i rah tsiro an pengre lila činan.”

Louka 19:29

Oun yob vas pash kol gaba Betfage oun Betani. Kal gaba his ap koy berga čiddo, hoy kharella djeteskri berga. Oun yob bičras douy peskre malendar glan-vi oun penas lenge:

Louka 19:37

Har yon kote van, kay djal o drom o djeteskri berga tele, dan leskre mala bari gole i barhtyatar, oun sharan o Debles pral ko baro koova, hoy yob mashkral lende kras.

Louka 19:47

Hako dives djas o Yezous an o Debleskro baro kheer oun sikras i menshende o Debleskro drom. I bare rashaya, i biboldengre čačepangre oun i vavar pralstoune rodan i drom, te marenn le les.

Louka 22:39

Oun o Yezous djas pash i djeteskri berga, yaake har yob kova boud kope kras. Oun peskre mala djan leha.

Johanni 12:1

Shob divessa glan ko festo Passa vas o Yezous pale an o foro Betani, kay o Lazaro djivella. Koles kras o Yezous i moulendar djido.

Johanni 18:2

Kote his lo boud kope peskre malentsa. Doleske prindjras ninna o Youdas, ko phoukepaskro, koy baar.

Bičepangre 1:12

Palle djan yon o djeteskri berga tele oun pale an o foro Yerusalem. Koy berga his gar dour kava forestar krik.