Louka 21:34 - O Debleskro Lab 2024 (Sinte-Manouche)

³⁴ “Denn garda, te vell t'maro dji gar pherdo phoubyakro koova, yaake te bistrenn o Debles! Piyenn t'men gar mato! Ma darenn t'maro djipaske! Denn yak, te vell ko dives gar ap yek kopo ap t'mende yaake, te han t'mer tapedo!

O Debleskro Drom 2021 (Sinte)

³⁴ “Denn garda, te well tumaro dji gar pherdo phubjakro koowa, jaake te bistrenn o Debles! Pijenn tumen gar mato! Ma darenn tumaro djipaske! Denn jak, te well ko diwes gar ap jek kopo ap tumende jaake, te han tumer tapedo!

Louka 21:34 ပူးပေါင်းရင်းမြစ်များ

1. Mose 19:32

Djineh hoy? Mer dah maro dadeste mool te piyell, oun čivah men pash leste, te vell men čave lestar, te meras gar vin.”

1. Mose 19:35

Koy dan yon rati pengro dades mool te piyell. Oun i terneder čay djas oun čivas pes pash leste. Ninna kava kopo hayvas yob gar, har yoy pes pash leste čivas, vitar gar, har yoy lestar pre stas.

1. Mose 27:14

Oun yob djas, las douy bouzya oun anas len peskri dake. Oun yoy kras i lačo rhapen, yaake har leskro dad kova kamas.

Debleskri gili 35:8

Mouk i bibarht pral lende te vell yaake sik har i dap! Mou perenn le an koy netsa, hoy yon čivan mange. Mou perenn le an koy rheb, hoy yon hadan mange vin!

Gosewe laba 21:4

I čilačen hi i pre-phourdo dji oun yaka, hoy tele dikenn ap i vavarende. Kova hi lengri doosh.

Gosewe laba 23:20

Ma ab mank kolende, kay pen mates piyenn, vitar gar mank kolende, kay boudeder mass an pende dren rhan har mishto hi.

Sikepaskro 9:12

Ninna djinell o mensho peskro tsiro gar, oun vell tapedo an o čilačo tsiro, hoy ap yek kopo pral leste perell, yaake har i mače tapedo venn an i netsa, oun i čirkle an pandle dorya.

Jesaja 28:7

Ninna i rashaya oun o Debleskre rakepangre hi mato i molyatar, oun perenn yek rigyatar ap i vavar o zorelo pipastar, hoy le piyan. Yaake boud mool oun zorelo pipen piyan le, te nay ačenn le bouder gar tardo. Te rakrenn le o Debleskro lab vin, hi le mato koy pashel. Te krenn le o čačepen vin, perenn le yek rigyatar ap i vavar.

Hosea 4:11

Mool – phouri mool oun nevi mool – krenn, te hayvenn i menshe bouder gar, hoy lačo oun hoy čilačo hi.

3. Mose 10:9

“Tou oun tire morsh čave, ma piyenn mool oun zorelo pipen, te kamenn an miro kheer te djal, te hounte merenn gar. Ap kova hounte rikrenn t'men oun t'mare čave kanna oun hako tsiro.

Mateo 13:22

Vavar menshe hi har ko kotar phoub, kay o djob tel i soubyengre bourra peras. Yon shounan ko lab. Palle dikenn le ap i phoubyakro koova oun kamenn bravele te vell. Oun o bravlepen rhorhell i menshen. Oun ko lab, hoy shounan le, vell tassedo, oun nay rakrell bouder gar an lengro dji.

Markus 13:9

Denn yak ap t'mende! T'mer venn glan i čačepangre anlo, oun rhan dava an i biboldengre kangria. T'mer patsenn ap mande. Doleske anenn le t'men glan i pralstoune oun glan i bare rayende, te rakrenn yon i phagi vin pral t'mende. Te han glan lende tardo, palle nay rakrenn t'mer mandar, te shounenn yon pral mande o čačepen.

Markus 4:19

Palle dikenn le ap i phoubyakro koova. Yon kamenn bravelo te vell, oun o bravlepen krell len gar barhtelo. Oun len hi bok pal boud vavar koova. Oun kova lauter tassrell ko lab, hoy shounan le. Oun ko lab nay rakrell bouder gar an lengro dji.

Louka 10:41

Koy penas o ray: “Marta, Marta, tou mareh tout tele, oun kreh touke boud boudi.

Louka 12:40

Doleske penau t'menge: Ma sovenn! Denn yak! Me, o Mensheskro Čavo, vau pale an i tsiro, kay t'mer gar djinenna.”

Louka 17:3

Denn yak ap t'mende! Te krell tiro phraal čilačo koova ap toute, pen leske, kay kova gar mishto hi, hoy yob kras! Te khaytell les ko čilačo koova, hoy yob ap toute kras, yaake ab bouder gar rhoyedo ap leste!

Louka 21:35

Djinenn! Ko dives vell pral lauterende, kay djivenna ap i phoub.

Louka 21:8

Penas lo: “Denn yak! Moukenn t'men kekestar o Debleskro dromestar tele te anell! Koy venna boud morsha, kay penenna: Me hom o Kristo, ko baro ray, kolestar o Devel penas, te vell yob! Oun yon penenn ninna: O tsiro hi kay! Me penau t'menge: Ma nashenn lenge palla!

Louka 8:14

Ko kotar phoub, kay o djob mashkral i soubyengre bourra peras, hi har o dji kol menshendar, kay shounenn o Debleskro lab oun rikrenn les i tsiro an pengre djia. Te vell i daar an lengro djipen, oun te vell o bravlepen glan lengre yaka, oun ko shoukar djipen, palle vell ko lab lendar tassedo oun rakrell bouder gar an lengre djia.

1. Korintarja 5:11

An ko liil činom t'menge, te venn t'mer kek mala kolendar, kay penenn pendar: “Me hom patslo” oun krenn vi-ladjedo koova, hi boklo pal i love, mangenn vavar koova an har o Debles, praasenn i vavaren, hi pipangre oun čorepangre. Te hi yek mashkral t'mende, kay krell savo koova, koleha rhan gar khetne!

1. Korintarja 6:10

vitar gar i čorepangre, vitar gar kolla, kay ap i love pandlo hi, i dre-phagepangre, i pipangre oun kolla, kay praasenn i vavaren, – kolla lauter venna gar pash o Debleste an o bolepen.

Galatarja 5:20

Yon mangenn vavar koova an har o Debles. Yon dourkrenna. Yon kourenn pen oun čingrenn pen. Yon zilverenna, oun len hi rholi ap i vavarende. Yon dikenn ap pende kokres, te djal lenge mishto, oun dikenn gar ap i vavarende, te djal lenge ninna mishto. Yon moukenn pengre phralen oun djan vavarentsa khetne.

5. Mose 29:19

Ap saveste dikell o baro Devel gar lačes, na-a, pral koleste rhačell leskro dji i rholyatar. Oun ko tselo praasepen oun i tseli bibarht, hoy an kava liil činlo hi, vell ap leste čiddo. Oun o baro Devel krell, te vell yob oun leskri familya bistedo ap i tseli phoub.

Filiparja 4:6

Ma darenn či! Hako tsiro mangenn o Deblestar, hoy t'men hounte vell, oun penenn leske lauter, hoy ap t'maro dji hi! Oun parkrenn t'men pash leste!

Hebrearja 12:15

Denn yak, te čivell kek o Debleskro lačepen ap i rig! Denn yak, te djal kek čilačo rakepen mashkral t'mende trouyel, oun krell o patsepen boud patslendar paash! Savo rakepen hi har i čilačo rhourhour, hoy krell kolen nasselo, kay les rhana.

2. Petro 3:10

Kek djinell o dives, kay maro ray Yezous pale vella. Ko dives vella yaake har i dre-phagepaskro vella. Palle djal o bolepen krik bari golyah. I bolepangre momlia rhačrenna krik. Ninna i phoub oun ko tselo koova, hoy ap i phoub hi, rhačrella pre.

2. Petro 3:14

Lače phrala oun phenya, t'mer kamenna, te vell ko dives sik. Doleske krenn lauter, te vell či mank t'mende oun o Debleste tardo! Djivenn yaake, te hi t'men i djoudjo dji, oun te hatsell o Devel kek doosh ap t'mende ap ko dives, kay venna glan leste tardo!

Debleskro tsiro 3:3

Ma bistrenn, hoy t'menge penlo vas oun hoy shounan! Oun rikrenn ap kal laba! Oun avenn pale ap o čačo drom! Te krenn kova gar, oun stenn gar pre o sopastar, palle vau pral t'mende har i čorepaskro. Oun t'mer djinenn gar, havo tsireske pale vau.

1. Samuel 25:36

Oun har i Abigayil khere vas, his o Nabal koy beshdo pash i baro rhapen har i baro rayeske. Oun leskro dji bashras, oun yob his boud mato. Oun i Abigayil penas leske či, kek lab.