Louka 21:21 - O Debleskro Lab 2024 (Sinte-Manouche)

²¹ Palle hounte nashenn i tsele menshe dran o them Youdea pral an i berge. Oun koon an o foro hi, hounte djal yaake sik har djala dran vin. Oun koon vin ap o them hi, hounte djal gar an o foro dren.

O Debleskro Drom 2021 (Sinte)

²¹ Palle hunte nashenn i tsele menshe dran o them Judea pral an i berge. Un koon an o foro hi, hunte djal jaake sik har djala dran win. Un koon win ap o them hi, hunte djal gar an o foro dren.

Louka 21:21 ပူးပေါင်းရင်းမြစ်များ

1. Mose 19:17

Har yon glan o foro his, penas ko yek bolepaskro ap o Lot: “Naash, te ačess tou djido! Ma dik pal toute! Ma ač tardo kate an kava them pash o pani Yordan! Naash ap kol berge, te vess tou gar maredo!”

1. Mose 19:26

Oun o Loteskri romni dikas pal peste. Dran late vas i loneskro bar.

Gosewe laba 22:3

Koles i gosevo dji hi, kova dikell, har i bibarht vella oun khatrell pes. Kolen či an o shero hi, kolla nashenn doureder, oun i bibarht vell ap lende.

Jeremia 35:11

Oun har o Neboukadnezar, ko ray pral o them Babilonia, an o them Youda vas, te kourell lo pes leha, penam menge mer halauter: Avenn, te nashas menge glan kol lourdende dran o them Babilonia oun dran o them Syria, oun djah an o foro Yerusalem! Yaake ačam kate an Yerusalem.

Jeremia 37:12

Koy kamas o Yeremia dran o foro Yerusalem vin te djal an o them Benyamin, te rakrell lo peskre menshentsa pral kova, hoy yek, kay meras, lenge palla moukas, oun hoy hakeno lella.

Jeremia 6:1

T'mer menshe dran o kheer Benyamin, nashenn dran Yerusalem! oun phourdenn koy phourdepaskri an Tekoa! Krenn i yag ap i berga Bet-Kerem, te vell o yagakro dourho i sikepen! Bari bibarht oun merepen vell kotar, kay norden hi.

4. Mose 16:26

Oun yob penas ap i tsele menshende: “Djan krik kol plarhtene kherendar kol menshendar, kay shounenn gar ap o Debleste! Oun taprenn ap či, hoy len hi, te merenn t'mer gar ap ko tselo čilačo koova, hoy yon kran!”

Mateo 2:1

Ap ko tsiro, har vas o Yezous an o foro Betlehem an o them Youdea boldo, his o Herodes o baro ray pral o them. Koy van goseve morsha dran o them, kay o kham pre djala, oun djan an o foro Yerusalem. Yon poučan i menshendar an o foro Yerusalem:

Mateo 24:16

hounte nashenn kolla, kay an o them Youdea djivenna, sik ap i berga.

Markus 13:15

Kova, kay hi pral ap o kheer, hounte djal bouder gar an peskro kheer dren, te lell lo peske čomone.

Debleskro tsiro 18:4

Oun me shounom, har yek vavar dran o bolepen rakras oun penas: “Mire menshe! Djan dran ko foro vin, te lenn t'mer gar leskri doosh oun leskri bibarht ap t'mende!