Louka 21:15 - O Debleskro Lab 2024 (Sinte-Manouche)

¹⁵ Me dau t'men ko gosvepen, oun penau t'menge, hoy t'mer hounte penenn. Oun palle djinenn le bouder gar, hoy te penenn le.

O Debleskro Drom 2021 (Sinte)

¹⁵ Me dau tumen ko goswepen, un penau tumenge, hoi tumer hunte penenn. Un palle djinenn le buder gar, hoi te penenn le.

Louka 21:15 ပူးပေါင်းရင်းမြစ်များ

Gosewe laba 2:6

O baro Devel hi kova, kay dell gosvepen. Lestar vell, te djinell oun hayvell i mensho boud koova.

Jeremia 1:9

Oun o baro Devel čivas peskro vast ap miro mouy, oun penas ap mande: Dik, me čivau mire laba an tiro mouy.

Ezekiel 29:21

An ko tsiro moukau me o kheer Israel pale zoreles te vell. Oun touke, Ezekiel, krau o mouy pre, te rakress mire laba mank lende. Palle dikenn oun hayvenn le, te hom me o baro Devel.

Louka 12:12

O Debleskro Dourho sikrell t'men ap ko tsiro, hoy t'mer hounte penenna.

Louka 21:16

Oun t'maro dad oun t'mari day, t'mare phrala oun phenya, oun t'mare vavar menshe phoukrenn ap t'mende, ninna t'mare mala. Oun mank t'mende hi save, kay venn maredo.

Louka 24:45

Oun palle das lo len gosvepen, te hayvenn le o Debleskro lab,

Bičepangre 2:4

Oun yon van lauter pherdo Debleskro Dourho, oun rakran an vavar rakepen. Oun yon rakran ko rakepen, hoy o Debleskro Dourho len das.

Bičepangre 24:25

Oun o Paulo penas lenge, te hounte rikrenn le pen ap o Debleskro čačepen, te krenn le kek vi-ladjedo koova, oun te vell ko tsiro, kay hakeno glan o Debleste tardo hounte vell. Oun o Felix las traash, oun penas ap o Pauleste: “Kava kopo nay djah tou. Oun te hi man tsiro, moukau tout pale gole te dell.”

Bičepangre 26:28

Koy penas o Agrippa ap o Pauleste: “Rakreh tou kate ap mande, te djap me ninna ap o Yezouseskro drom, oun kava an savo tikno tsiro?”

Bičepangre 6:10

O Debleskro Dourho das les gosvepen, te nay rakras kek lendar leske pale.

Efesarja 6:19

Mangenn mange ninna, te dell o Devel man i čače laba, oun te darap gar i menshendar, te sikrap lende o Debleskro drom oun penap lenge kova, hoy djinenn le gar.

Jakobo 1:5

Te djinell yek t'mendar gar, hoy o Devel lestar kamella, palle nay mangell lo o Debles, te sikrell yob leste kova. O Devel hi lačo, oun yob dell o djiyestar, ninna te veh tou boud kope pash leste.