Louka 20:47 - O Debleskro Lab 2024 (Sinte-Manouche)

⁴⁷ Yon lenn i khera kol djouvyendar krik, kolengre romma moulo hi. Te mangenn le o Debles, palle rakrenn le leha i rah tsiro, te dikenn i menshe, har patslo yon hi. O Devel rakrell i phagi pral lende vin, oun yon lenna i bareder phagi har i vavar.”

O Debleskro Drom 2021 (Sinte)

⁴⁷ Jon lenn i khera kol djuwjendar krik, kolengre romma mulo hi. Te mangenn le o Debles, palle rakrenn le leha i rah tsiro, te dikenn i menshe, har patslo jon hi. O Dewel rakrell i phagi pral lende win, un jon lenna i bareder phagi har i wawar.”

Louka 20:47 ပူးပေါင်းရင်းမြစ်များ

Jesaja 10:2

An i čorvelengro koova rakrenn le kek čačepen vin. Oun kolenge, kay gar an-dikle hi mank mire menshende, lenn le kova krik, hoy lenge pal o čačepen hi. Yon lenn kova krik, hoy i djouvyen hi, kolengre romma meran, oun čorenn i čaven vin, kolen kek dad bouder hi.

Ezekiel 22:7

Kolla, kay an Yerusalem djivenn, dikenn tele ap pengro dadeste oun ap pengri date, oun rhorhenn i vi-themaryen, kay pash lende djivenn. Oun kol djouvyen, kolengro rom meras, oun kol čaven, kolengro dad meras, kolen rikrenn le zoryah tele.

Ezekiel 33:31

Oun yon venn pash toute yaake, har menshe khetne venn, oun beshenn pen pash toute, oun shounenn, hoy peneh. Kova, hoy penal, krenn le gar. Pengre mouyentsa penenn le, te kamenn le man. Lengro dji djal koleske palla, har le boud love nay krenn.

Amos 2:7

Yon stakrenn i čorvelen an i čik, oun i tiknen dran o drom. Doleske lenn le pengri phagi, oun khaytenn man gar. I morsh oun peskro dad djan dren pash i emligi djouvyate. Yaake anenn le ladj ap mande.

Micha 2:2

Kamenn le yekeskro kotar phoub, randenn le les, oun lenn penge khera vavar menshendar, har yon kamenna. Čilači zoryah djan le ap yekeste, oun lenn penge leskro kheer oun kova, hoy les peskro dadestar vas.

Micha 2:8

T'mer hadenn pen pral mire menshende! Te djal yek kek daryah ap o drom, tserdenn t'mer leske i baya oun o gad tele, har lourde, kay venn dran o kourepen.

Micha 3:2

O lačepen kamenn t'mer gar! O čilačepen, kova kamenn te krell. Mire menshentsa djan t'mer trouyel, har te vans le marede firhe, kolenge i hauta tele tserdedo vell, oun o mass tele činlo foun lengre kokale, oun i kokale phagedo, oun palle o mass an i piri činlo oun keredo. Yaake rhan t'mer mire menshen.

Mateo 23:13

T'mer čačepangre oun Farisarya! Kova, hoy t'mer krenna, ko hi gar mishto. T'maro patsepen ap o Debleste hi rhorhepen! T'mer krenn o voudar pandlo, te vell kek ap o Debleskro drom. T'mer djan gar koy dren. Vitar gar moukenn i vavaren dren te djal.

Mateo 23:14

T'mer čačepangre oun Farisarya! Kova, hoy t'mer krenna, ko hi gar mishto. T'maro patsepen ap o Debleste hi rhorhepen. T'mer lenn i khera i djouvyendar krik, kolengre romma moulo hi. T'mer te rakrenn o Debleha, rakrenn t'mer i rah tsiro, te dikenn i menshe har patslo t'mer han. O Devel rakrell o čačepen pral t'mende vin, oun t'mer lenn i zorleder phagi har i vavar.

Markus 12:40

Yon lenn i khera kol djouvyendar krik, kolengre romma meran. Yon rakrenn o Debleha i rah tsiro, te dikenn i menshe, har patslo yon hi. Ap ko dives, kay rakrell o Devel o čačepen pral lende vin, lenn le i zorleder phagi har kol vavar.

Louka 12:1

Ap ko tsiro van boud zerya menshe khetne, yaake te stakras yek o vavareske ap i pire. Koy penas o Yezous ap peskre malende, gar ap kol vavarende: Denn garda, te rakrenn gar douy čipyentsa har i Farisarya! Kova hi har shoutlo yarro, hoy krell o tselo yarro shoutlo.

Louka 20:46

“Denn yak! Kova, hoy kol biboldengre čačepangre krenna, hi gar mishto. Len hi lengste koola ap lende, te sikrenn le, te hi le o Debleskre menshe. Te djan le an o foro, kamenn le, te penenn i menshe Lačo dives, mo ray! ap lende. Ninna kamenn le ap i pralstoune beshepangre te beshell an i biboldengri kangri oun ap i feteder beshepangre pash i baro rhapen.

Louka 21:1

Oun o Yezous dikas pre oun dikas, har i bravele pengre love an i lovengri piri an o Debleskro baro kheer dren čivan.

1. Tessalonikarja 2:5

T'mer djinenna, mer rakram t'menge gar pal o mouy. Vitar gar penam o Debleskro lab, te las love i menshendar. O Devel djinella, me penau o čačepen.

Tito 1:16

Yon penenn, te prindjrenn le o Debles. An lauter, hoy yon krenna, sikrenn le, kay yon les gar prindjrenna. Yon hi infam an o Debleskre yaka, oun kamenn gar ap leste te shounell. Yaake hi lauter, hoy yon krenna, či moldo.

Jakobo 3:1

Mire phrala, hi gar mishto, te venn boud t'mendar sikepangre. T'mer djinenna, kay o Devel rakrell o čačepen pral i menshende vin. Ap ko tsiro dikell lo ap kol sikepangren boudeder har ap kol vavarende.