Louka 20:36 - O Debleskro Lab 2024 (Sinte-Manouche)

³⁶ Yon merenn bouder gar, oun hi har i bolepangre. Yon stan i moulendar pre. Doleske hi le o Debleskre čave.

O Debleskro Drom 2021 (Sinte)

³⁶ Jon merenn buder gar, un hi har i bolepangre. Jon stan i mulendar pre. Doleske hi le o Debleskre tchawe.

Louka 20:36 ပူးပေါင်းရင်းမြစ်များ

Jesaja 25:8

O merepen lell lo krik hako tsireske. O baro Devel, maro ray, khossell palle hakeneske i sva tele. Oun koy ladj, hoy ap peskre menshende čiddo hi an hake themma, lell lo lendar krik. Kova penas o baro Devel.

Hosea 13:14

Ginap me len vin dran i zoor, hoy o moulengro themes hi? Lap me len vin dran o merepen? Tou, merepen, kay hi tout ko nasslepen, ap koleste i menshe merenn? Tou, moulengro them, kay hi tout ko pharo nasslepen, hoy anell i menshen pash toute? Kal menshe khaytenn man bouder gar.

Zakarie 3:7

Kova penell o baro Devel, ko ray pral o bolepen oun i phoub: Te djah tou ap mire dromma, oun kreh koy boudi mishto, hoy dom toute, palle vess o pralstouno pral miro kheer oun kol glanstoune platse. Oun tou nay veh glan mande khetne kolentsa, kay kate tardo hi.

Mateo 22:30

Kol moulen, kay o Devel djido krella, kolla romedinerenn bouder gar, oun venna gar romedino. Yon hi har i bolepangre an o bolepen.

Markus 12:25

Kol moulen, kay o Devel djido krella, romedinerenn bouder gar oun venna gar romedino. Yon hi har i bolepangre an o bolepen.

Remarja 8:16

Oun o Debleskro Dourho penell menge an o dji, te ham mer o Debleskre čave.

1. Korintarja 15:26

Ko palstouno, kolendar o Yezous Kristo i zoor krik lella, hi o merepen.

1. Korintarja 15:42

Yaake hi ninna, te stenn i moule pre. Kova, hoy an i phoub čiddo vella, ferdjala. Kova, kay i moulendar pre stella, merell bouder gar.

1. Korintarja 15:49

Kanna dikah vin har kova, kay vas kerdo dran čik. Te vah an o bolepen, dikah vin har kova, kay vas dran o bolepen.

Filiparja 3:21

Kanna ham menshe, kay hounte merenna. Yob krell dran mende neve menshe, kay venn yaake har yob, oun merah bouder gar. Yaake zorelo hi lo. Les hi koy zoor, te krell lo lauter, hoy yob kamella.

Debleskro tsiro 20:6

Barhtele hi kolla, kay hi mank kolende, kay venn glanstounes i moulendar djido. Yon hi o Debleskre menshe, oun merenn gar o douyto kopo. Yon hi i rashaya o baro Deblestar oun o Yezous Kristestar. Oun khetne leha hi le raya pral lauter yek zero bersh.

Debleskro tsiro 21:4

Oun yob khossella hake sva ap lengre yaka tele. Oun o merepen dell gar bouder, vitar kek bibarht, kek ropen oun kek douka. Kova hoy his, dell gar bouder.

Debleskro tsiro 22:9

Oun yob rakras ap mande oun penas: “Ma kre kova! Me hom o Debleskro boudepaskro har tou oun tire phrala, kay o Debleskre rakepangre hi. Oun me hom ninna yek kolendar, kay rikrenn kal laba an pengre djia, hoy an kava liil činlo hi. Ma share man! Share o Debles!”