Louka 20:24 - O Debleskro Lab 2024 (Sinte-Manouche)

²⁴ “Denn man i roupeni bema. Koneskro shero oun lab hi ap kay bema?” Penan le: “O shero o baro rayestar an o foro Rom!”

O Debleskro Drom 2021 (Sinte)

²⁴ “Denn man i rupeni bema. Koneskro shero un lab hi ap kai bema?” Penan le: “O shero o baro rajestar an o foro Rom!”

Louka 20:24 ပူးပေါင်းရင်းမြစ်များ

Mateo 18:28

Oun o morsh djas dran ko kheer vin, oun tapras i vavar boudepaskres ap o drom. Kales his sheel beme siyaan pash leste. Koy čivas lo peskre vasta troul koleskri meen, te tassrell lo les, oun penas ap leste: De man kanna mire love pale!

Mateo 20:2

Kolentsa kras yob vin, te dell lo len yek roupeni bema kava diveske. Palle bičras lo len ap peskro kotar them, te boudrenn le leske.

Mateo 22:20

Koy poučas lo lendar: “Koneskro shero oun lab hi ap kay bema?”

Markus 12:16

Oun yon anan yek. Koy penas yob: “Koneskro shero oun lab hi ap kay bema?” Penan le: “O shero oun o lab o baro rayestar an o foro Rom.”

Louka 2:1

Ap ko tsiro moukas o baro ray Augousto an o foro Rom te penell: “Činenn i laba i tsele menshendar an mire themma pre!”

Louka 20:22

Pen menge: Hi mishto pal maro čačepen, te das mer o themeskre love o baro rayeste an o foro Rom?”

Louka 20:23

O Yezous djinas, kay yon gosevo hi, oun yob penas ap lende:

Louka 20:25

Penas lo lenge: “Yaake denn leste, hoy leskro hi, oun denn o Debleste, hoy leskro hi!”

Louka 23:2

Oun yon anan boud koova ap leste pre, oun penan: “Kava morsh kras mare menshen divyo. Yob penas, te das mer o baro rayeste an o foro Rom bouder kek love. Oun yob penas ninna, kay hi lo o Kristo, ko baro ray, kolestar o Devel penas, te vell yob.”

Louka 3:1

His ap ko tsiro, kay o Tiberio an o foro Rom deesh-te-panč bersha baro ray his. Oun o Pontio Pilato his o ray pral o them Youdea. Oun o Herodes his o ray pral o them Galilea. Oun peskro phraal Filipo his o ray pral i themma Iturea oun Trakonitis. Oun o Lisanio his o ray pral o them Abilene.

Bičepangre 11:28

Yek lendar his o Agabo. Yob stas mashkral i patslende pre, oun penas glan-vi, hoy o Debleskro Dourho leske penas, te vell i bari bok pral i tseli phoub. Oun har o Klaudio o baro ray an o foro Rom his, vas kova yaake.

Bičepangre 26:32

O Agrippa penas ap o Festo: “Kava morshes moukams mer nay dran o stilepen vin te djal, te penals yob gar, te kamell lo glan o baro rayeste an o foro Rom te djal, te rakrell kova o čačepen pral leste vin.”