Louka 20:22 - O Debleskro Lab 2024 (Sinte-Manouche)

²² Pen menge: Hi mishto pal maro čačepen, te das mer o themeskre love o baro rayeste an o foro Rom?”

O Debleskro Drom 2021 (Sinte)

²² Pen menge: Hi mishto pal maro tchatchepen, te das mer o themeskre lowe o baro rajeste an o foro Rom?”

Louka 20:22 ပူးပေါင်းရင်းမြစ်များ

Esra 4:13

Mer halauter hounte penas o baro rayeske: Kava foro te vell neves kerdo, oun i massurya hi pale tardo, denn i menshe bouder kek themeskre love, vitar kek foreskre love, oun vavar koova vitar gar. Kek love venn kolendar pash maro rayeste.

Esra 9:7

Ko tsirestar, kay mare phoure djivan, bis ap kava dives anam mer boud doosh ap mende, oun dran maro djounglepen dal men, mare rayen oun rashayen an i vavar rayengre vasta, kay an i themma troul mende djivenn. O rhareha maran le men, an o stilepen vitsran le men, oun yon čoran men vin, oun anan ladj ap mende, yaake har ninna kava dives hi.

Nehemia 5:4

Oun pale vavar penan: “Mer hounte patsam menge love ap mari harhetikri phoub oun ap maro drakengro them, te nay playsras kol themeskre love o baro rayeske.”

Nehemia 9:37

Oun ko boud koova, hoy i phoub vin anell, lenn kol bare raya, kolla kay tou pral mende čival, har anam doosh ap mende. Oun yon krenn mentsa oun mare firhentsa har yon kamenn. Oun maro djipen hi yaake pharo.

Mateo 17:25

Oun o Petro djas an o kheer dren, te penell lo kova o Yezouseske. Har o Yezous dikas, te vell o Petro pash leste, poučas lo lestar: “Petro, koon hounte dell kol love i bare rayende ap kay phoub? Hounte denn lengre menshe lende kol love? Hounte denn i vi-themarya lende kol love?”

Louka 20:21

Oun yaake penan le ap leste: “Sikepaskro, mer djinah, te dareh tou kekestar. Oun tou peneh o čačepen i menshenge an o mouy. Oun tou sikreh lende o Debleskro drom.

Louka 20:23

O Yezous djinas, kay yon gosevo hi, oun yob penas ap lende:

Louka 23:2

Oun yon anan boud koova ap leste pre, oun penan: “Kava morsh kras mare menshen divyo. Yob penas, te das mer o baro rayeste an o foro Rom bouder kek love. Oun yob penas ninna, kay hi lo o Kristo, ko baro ray, kolestar o Devel penas, te vell yob.”

Bičepangre 5:37

Koy pal vas i morsh dran o them Galilea, kova kharas Youdas. Kova his an ko tsiro har i laba i biboldendar pre činlo van. Kova anas boud menshen ap peskri rig, te krenn le i kourepen i Remaryentsa. Ko Youdas vas ninna moulo dino, oun kolla, kay pash leste his, hi gar bouder koy. Oun kek rakrell bouder lendar.

Remarja 13:7

Denn hakeneste kova, hoy leske hi: themeskre love, ninna vavar love, hoy yon t'mendar mangenna. Shounenn ap kolende, kay hi len penepaske, oun dikenn pre ap lende!

5. Mose 17:15

palle vell kova o ray, koles t'mer pral t'mende čivenn, koles t'maro baro Devel vin rodell. Mashkral t'mare phralende lenn yekes oun čivenn les pral t'mende, te vell yob t'maro ray. Lenn kekes dran o vi-them, kay gar t'mare phralendar hi.