Louka 20:11 - O Debleskro Lab 2024 (Sinte-Manouche)

¹¹ Koy bičras ko morsh i vavar boudepaskres pash lende. I harhe dan les kek drake. Yon dan les ninna dava, praasan les, oun bičran les krik.

O Debleskro Drom 2021 (Sinte)

¹¹ Koi bitchras ko mursh i wawar budepaskres pash lende. I hache dan les kek drake. Jon dan les ninna dawa, praassan les, un bitchran les krik.

Louka 20:11 ပူးပေါင်းရင်းမြစ်များ

Hosea 10:1

O Israel hi har i sasto drakengro rouk, ap koleste boud drake bares venn. Oun har i menshe bravelo oun bravleder van, kran le penge boud oun boudeder altare i rhorhene deblenge. Kote, kay o them o lačeder his, čivan le i shoukar bare barra lenge pre.

Markus 12:4

Oun ko morsh bičras pale i vavar boudepaskres pash lende. Oun koles dan yon ap o shero, oun praasan les.

Louka 20:10

Har ko tsiro vas, te anenn le i drake dren, bičras yob i boudepaskres pash i harhende, te lell lo lendar kol drake, hoy leske hi. I harhe dan les kek drake. Yon dan les dava oun bičran les krik.

Louka 20:12

O morsh bičras i triinto boudepaskres. I harhe dan les ninna ratlo, oun vitsran les vin.

Bičepangre 7:52

Penenn mange: Dell yek Debleskro rakepaskro, kay lan t'mare phoure gar palla? Yon maran kolen, kay glan-vi penan, te vell ko yek, kay hako tsiro o čačepen krella. Yob vas, oun t'mer phoukran ap leste oun maran les.

1. Tessalonikarja 2:2

Glan ko tsiro, kay vam pash t'mende, hams an o foro Filipi. Ninna te vam kote palla lino oun dino, har t'mer djinenn, djam pal kova pash t'mende an o foro Tessalonika. O Devel das men i zoor, te penas t'menge o Debleskro lačo lab, ninna te his pash t'mende boud menshe, kay kran menge o djipen phares.