Louka 2:46 - O Debleskro Lab 2024 (Sinte-Manouche)

⁴⁶ Pal triin divessa hatsan le les an o Debleskro baro kheer. Oun yob his beshdo mashkral i sikepangre. Oun yob shounas, hoy yon rakran, oun yob poučas boud lendar.

O Debleskro Drom 2021 (Sinte)

⁴⁶ Pal triin diwessa hatsan le les an o Debleskro baro kheer. Un job his beshdo mashkral i sikepangre. Un job shunas, hoi jon rakran, un job putchas bud lendar.

Louka 2:46 ပူးပေါင်းရင်းမြစ်များ

1. Rajengro liil 12:12

Oun o Yerobeam oun i tsele menshe van pal triin divessa pash o Roboam, har yob les lenge penas: “Avenn pal triin divessa pale pash mande!”

1. Rajengro liil 12:5

Kote pre penas lo ap lende: “Djan oun denn man triin divessa, oun pal kova venn pale glan mande!” Oun i menshe djan penge.

Jesaja 50:4

O baro Devel, miro ray, das man i čip har i siklen yek hi, te djinap, har te rakrap lačes kolentsa, kay khino hi. Taysarlakro djangrell lo mire kanna pre, te shounap har yek, hoy lestar siklo vell.

Mateo 12:40

O Yona ačas triin divessa oun triin rati an o baro mačeskro per. Oun yaake hounte ačell o Mensheskro Čavo triin divessa oun triin rati an i phoub paskedo.

Mateo 16:21

Oun ap ko tsiro penas o Yezous peskre malenge, te hounte djal lo an o foro Yerusalem. Oun yob penas lenge: “Me hounte lap boud douka ap mande. I bare rashaya, oun i biboldengre phoureder oun čačepangre, kolla marenn man. Oun pal triin divessa krell man o Devel djido.”

Louka 2:47

Lauter, hoy shounan, hoy yob lenge penas, kran bare yaka, yaake gosevo his kava čavo.

Louka 5:17

His i dives, kay yob i menshenge o Debleskro lab penas. Oun boud Farisarya oun biboldengre čačepangre his mashkral lende beshdo. Yon van dran i themma Galilea oun Youdea, oun dran o foro Yerusalem. Oun o Yezous kras i menshen sasto an o Debleskri zoor.

Johanni 3:10

O Yezous poučas lestar: “Tou hal i sikepaskro an o them Israel oun djineh kova gar?

Bičepangre 5:34

Mank kol pralstunende his i Farisari, leskro lab his Gamaliel. Yob his i biboldengro čačepaskro oun an-diklo pash i tsele biboldende. Oun kova stas pre oun penas: “Bičrenn len i tikno tsiro vin!”

1. Timoteo 1:7

Yon kamenn sikepangre te vell, kay penenn i menshenge, har te djivenn le. Oun yon hayvenn gar, hoy yon penenna oun zoreles rakrenna.