Louka 19:28 - O Debleskro Lab 2024 (Sinte-Manouche)

²⁸ Har o Yezous kova penas, djas lo glan lende ap o drom, kay djal an o foro Yerusalem.

O Debleskro Drom 2021 (Sinte)

²⁸ Har o Jesus kowa penas, djas lo glan lende ap o drom, kai djal an o foro Jerusalem.

Louka 19:28 ပူးပေါင်းရင်းမြစ်များ

Louka 10:30

Oun o Yezous penas ap leste: “I morsh vas dran o foro Yerusalem, oun kamas te djal an o foro Yericho. Oun i čorepangre peran pral leste, oun dan les, oun lan leske lauter krik, oun moukan les paash-mulo čiddo.

Louka 12:50

Glan mande hi i pharo tsiro. Ap mande venna bare douka. Kamoms, te vals ko tsiro pal mande.”

Louka 18:31

Oun o Yezous las i deesh-te-douy ap i rig oun penas lenge: “Shounenn! Mer djah kanna an o foro Yerusalem. Kote vell lauter čačo, hoy o Debleskre rakepangre pral o Menshengro Čaveste činan:

Louka 9:51

Har ko tsiro kay his, te vell o Yezous maredo, kras pes lo ap o drom, te djal lo an o foro Yerusalem. Oun kek nay rikras les pale.

Johanni 18:11

Koy penas o Yezous ap o Petreste: “Čip tiro rharo pale! Djap me gar ko drom, kay miro dad kamell, te djap les, ninna te venn kote bare douka ap mande?”

Hebrearja 12:2

Te dikas ap o Yezous Kristeste! Kova anas men ap o Debleskro drom, oun djal glan mende, bis te vah pash leste. O Yezous Kristo meras ap o troushel. Ninna te his kova i ladj leske, las lo kava merepen ap peste. Yob djinas, pal kova vell i bari barht ap leste. Oun kanna hi lo beshdo ap o Debleskri čači rig.

1. Petro 4:1

O Yezous Kristo las bare douka ap peste, har yob ap i phoub his. Doleske, ma darenn, te venn ninna douka ap t'mende. Koon an peskro djipen douka hayvas, kova moukell o čilačepen.