Louka 19:18 - O Debleskro Lab 2024 (Sinte-Manouche)

¹⁸ Ko douyto vas pash ko rayeste, oun penas: Mo ray, me boudrom kol loventsa, hoy tou man dal. Oun kanna hi man panč kope yaake boud.

O Debleskro Drom 2021 (Sinte)

¹⁸ Ko duito was pash ko rajeste, un penas: Mo rai, me budrom kol lowentsa, hoi tu man dal. Un kanna hi man pantch kope jaake bud.

Louka 19:18 ပူးပေါင်းရင်းမြစ်များ

Mateo 13:23

Pale vavar menshe hi har koy lači phoub, kay o djob peras. Kolla shounan oun hayvan ko lab. An lende vell ko patsepen baro. Oun lengro djipen sikrella, te kamenn le o Debles, oun shounenn le ap leste. Pash kolende hi ko lab har o djob, kay baro vella, oun pash yekeste hidjrell lo sheel kope yaake boud. Oun pash i vavareste hidjrell lo shob-deesh kope yaake boud. Oun pale pash i vavareste hidjrell lo triyanda kope yaake boud.

Mateo 25:22

Oun ko boudepaskro, kay las lestar douy gone pherdo roup, kova djas ninna pash leste, oun penas: Mo ray, douy gone dal man. Oun dik, me lom douy vavar gone pashel.

Markus 4:20

Koy lači phoub hi har o dji kol menshendar, kay shounenn ko lab oun krenn kova, hoy ko lab lenge penella. Pash kolende hi ko lab har o djob, hoy baro vas. Oun pash yekeste vas lo triyanda kope yaake boud, oun pash i vavareste vas lo shob-deesh kope yaake boud, oun pale pash i vavareste vas lo sheel kope yaake boud.

Louka 19:13

Oun yob das deesh peskre boudepangren gole, das hakeneste i sheel roupene beme, oun penas: Boudrenn kol loventsa yaake rah har me gar kay hom. Oun yob djas peske.

Louka 19:17

Penas lo ap koleste: Kova kral tou mishto. Tou hal o lačo boudepaskro. Me čivom i tikno koova an tire vasta, oun tou kral i bari boudi koleha. Doleske kamau, te vess tou o pralstouno pral deesh forya.

Louka 19:19

Ap koleste penas lo ninna: Tou veh o pralstouno pral panč forya.

2. Korintarja 8:12

Te dell yek o djiyestar yaake boud har nay dell lo, dikell o Devel lačes ap leste. Yob kamell gar, te dell lo boudeder, har les hi.