Louka 18:7 - O Debleskro Lab 2024 (Sinte-Manouche)

⁷ Har boud feteder hi o Devel! Patsenn t'mer gar, te vell lo ap i rig peskre vi-rodede menshendar, kay dives oun rati ap leste gole denna? Ava, yob vell ap lengri rig oun dell len lengro čačepen. Lell lo pes boud tsiro, te vell lo ap lengri rig?

O Debleskro Drom 2021 (Sinte)

⁷ Har bud feteder hi o Dewel! Patsenn tumer gar, te well lo ap i rig peskre wi-rodede menshendar, kai diwes un rati ap leste gole denna? Awa, job well ap lengri rig un dell len lengro tchatchepen. Lell lo pes bud tsiro, te well lo ap lengri rig?

Louka 18:7 ပူးပေါင်းရင်းမြစ်များ

Debleskri gili 88:1

I gili o rayeske pral i gipangre, te givell har koy gili Mahalat Leannoth. Kay gili kras yek dran i familya Korah. O Heman dran i familya Esra činas kal laba.

Debleskri gili 9:8

O baro Devel ačella hako tsireske. Leskro čačepaskro stamin hi tardo.

2. Mose 22:23

Oun me taprau savi bari rholi, te dau t'men o rhareha temerl, yaake te hi palle t'mare djouvyen bouder kek rom oun t'mare čaven bouder kek dades.

Jesaja 40:27

Hoske penenn t'mer Israelitarya, t'mer, kay venna pal o Yakob: “O baro Devel prindjrell men bouder gar. Maro Devel dikell gar koy pre, te vell men maro čačepen.”

Habakuk 2:3

Ko tsiro hi kanna gar koy, te vell kova yaake, hoy sikrom touke. Kova vell čačo ap peskro tsiro. Tou nay djineh čačepah, kay kova yaake vella. An kal laba hi kek rhorhepen. Ninna te vell kova gar yaake sik, de yak, te vell kova. Hi čačo, hoy penau: Kova vella oun ačell gar krik.

Mateo 24:22

Te krals o Devel o čilačo tsiro gar tikneder, palle vals kek mensho dran o čilačo tsiro vin. Kolen, kay o Devel peske vin rodas, kolenge krell lo o čilačo tsiro tikneder.

Mateo 24:24

Boud rhorhene morsha penenn ap t'mende: Me hom ko baro ray, kolestar o Devel penas, te vell yob. Oun rhorhene rakepangre penenna: Me hom o Debleskro bičedo. Oun yon krenna baro oun zorelo koova, hoy i mensho nashte krell gar dran peskri zoor. Kova krenn le, te anenn le i menshen o čačo dromestar tele. Te djals kova, anans le ninna kolen o Debleskro dromestar tele, kolen o Devel peske vin rodas.

Mateo 7:11

Ninna te han t'mer čilače menshe, denn t'mer t'mare čaven lačo koova. Har boud boudeder dell t'maro dad an o bolepen lačo koova kolen, kay les mangenna.

Louka 11:13

Ninna te han t'mer čilače menshe, denn t'mer t'mare čaven lačo koova. Har boud boudeder dell t'maro dad an o bolepen peskro Dourho kolende, kay les mangenna.”

Louka 2:37

Palle meras lakro rom. Oun kanna his li orhta-deesh-te-star bersha phouro. Oun yoy his o tselo dives oun i tseli rati an o Debleskro baro kheer, te mangell li o Debles an. Oun boud kope rhas oun piyas li či o Debleske.

Louka 21:28

Te dikenn t'mer, har kova lauter vella, avenn zoreles oun trashenn gar! I tsiro hi palle koy, kay o Devel lell t'men dran o čilačepen oun dran o merepen vin.”

Remarja 8:33

Kek nay anell i doosh ap kolende, kolen o Devel peske vin rodas. O Devel čivas len an o čačepen.

Kolossarja 3:12

T'mer han kanna o Debleskre menshe, kolen yob peske vin rodas. Yob kamell t'men o djiyestar. Doleske hounte vell t'men i baro dji o vavareske, te vell hakeno lačo ap o vavareste, te krell pes kek bareder har o vavar, te rakrell hakeno lačes o vavareha, te dell kek o vavares sik pre,

1. Tessalonikarja 3:10

Ap o dives oun an i rati mangah o Debles o tselo djiyestar, te dikas t'men pale, te nay kras t'maro patsepen gomme zorleder. Me kamoms o tselo djiyestar, te anell man o Devel, maro dad, oun o Yezous, maro ray, pash t'mende.

2. Tessalonikarja 1:6

Yob djal ninna pal o čačepen, te dell lo kolen i phagi, kay t'men palla lan.

1. Timoteo 5:5

I patsli djouvel, kay hi lat bouder kek rom, vitar kek vavar menshe, kolake hounte venn t'mer koy. Koya dikell ap o Debleste kokres oun mangell lestar, te dell lo lat doha djipaske. Yoy mangell les i tselo djiyestar o dives oun i rati, oun moukell gar tele.

2. Timoteo 1:3

Hako dives oun haki rati moukau gar tele, te parkrap man pash o Debleste touke, oun te mangap o Debles touke. Yob hi kova, koleske boudrau me o djoudjo djiyeha, yaake har ninna mire phoure kova kran.

2. Timoteo 2:10

Me lau kova lauter ap mande kol menshenge, kolen o Devel vin rodas, te lenn yon o djipen oun o raylepen, hoy gar pre-herella. Kova dell len o Yezous Kristo.

Tito 1:1

Me, o Paulo, činau kava liil. Me hom o Debleskro boudepaskro. Oun o Yezous Kristo bičras man pash kolende, kolen o Devel peske vin rodas, te krap lengro patsepen zoreles, te hayvenn le o tselo čačepen, oun te djan le ap o Debleskro drom.

1. Petro 1:1

Me, o Petro, činau kava liil. Me hom o Yezous Kristeskro bičepaskro, oun činau kava liil t'menge, kay djivenn an i themma Pontus, Galatia, Kappadocia, Asia oun Bitinia. T'mer han o Yezouseskre menshe oun djivenn mashkral kolende, kay patsenn gar ap o Yezous Kristeste.

2. Petro 3:9

Hi menshe, kay penenna: “O ray Yezous lell pes boud tsiro, te vell lo pale.” Kova hi gar čačo. Les hi i baro dji t'menge, oun kamell, te djal kek t'mendar nashedo. Yob kamella, te moukell hakeno peskro čilačo drom oun vell ap o Debleskro drom.

Debleskro tsiro 18:20

Avenn barhtelo, t'mer, kay djivenn an o bolepen! O baro foro hi paash! Avenn barhtelo, t'mer Debleskre menshe! Avenn barhtelo t'mer, kay han o Yezouseskre bičepangre, ninna t'mer, kay han o Debleskre rakepangre! Kova, hoy o foro čilačes kras ap t'mende, das o Devel ko fores pale.

Debleskro tsiro 6:10

Oun dan zoreles gole oun penan: “Baro Devel oun čačo ray, ab sik oun rake i phagi vin pral kolende ap i phoub, kay maran men. De len ko čilačepen pale, hoy yon ap mende kran!”

Debleskro tsiro 7:15

Doleske hi le tardo glan o Debleskro beshepaskro oun hi leskre rashaya an leskro kheer, oun hi leske koy o tselo dives oun i tseli rat. Oun kova, kay ap o Debleskro beshepaskro beshdo hi, djivell pash lende, oun dell yak ap lende.