Louka 18:32 - O Debleskro Lab 2024 (Sinte-Manouche)

³² Yon denn les an i vasta kolendar, kay kek bibolde hi. Oun kolla praasenn les, denn les dava oun čoungrenn ap leste.

O Debleskro Drom 2021 (Sinte)

³² Jon denn les an i wasta kolendar, kai kek bibolde hi. Un kolla praassenn les, denn les dawa un tchungrenn ap leste.

Louka 18:32 ပူးပေါင်းရင်းမြစ်များ

Jesaja 50:6

Me rikrom kolenge miro doumo, kay dan mange dava, oun rikrom mire čamya kolenge koy, kay tserdan balla dran miri čora. Me khatrom gar miro mouy, har praasan le man oun čoungran ap mande.

Jesaja 52:14

His i tsiro, kay dikan boud menshe darenes ap leste, yaake dino dikas lo vin, te dikas lo bouder gar har i mensho vin, ava, djoungleder dino har hako vavar morsh.

Jesaja 53:3

I menshe dikan tele ap leste, oun čivan les ap i rig. I morsh pherde douka oun nasslepen his lo. I grerho his lo lenge, glan koleste yon pengro shero krik rissran. Oun menge his lo či-moldo.

Micha 5:1

Tou foro Betlehem an Efrata, kay hal tikno mank i forya an o them Youda, dran toute vell mange kova, kay hi o ray an o them Israel. Glan hako tsiro his yob. An i phoure divessa his lo koy.

Mateo 16:21

Oun ap ko tsiro penas o Yezous peskre malenge, te hounte djal lo an o foro Yerusalem. Oun yob penas lenge: “Me hounte lap boud douka ap mande. I bare rashaya, oun i biboldengre phoureder oun čačepangre, kolla marenn man. Oun pal triin divessa krell man o Devel djido.”

Mateo 20:19

Yon denn les an i vasta kolendar, kay kek bibolde hi. Oun kolla praasenn les, denn les dava i čoupniyah, oun denn les ap o troushel, te merell lo. Pal triin divessa krell o Devel les pale djido.”

Mateo 22:6

Oun pale vavar tapran kol boudepangren, praasan len, oun maran len.

Mateo 26:67

Oun palle čoungran le leske an o mouy, oun dan les ap o shero. Vavar dan les an o mouy,

Mateo 27:2

Oun yon pandan les, oun anan les pash o themeskro rayeste. Leskro lab his Pilato. Yob his i Remari. An leskre vasta dan le o Yezouses.

Markus 14:65

Koy van morsha oun čoungran leske an o mouy, pandan leske čomone troul leskre yaka, dan les oun penan ap leste: “Pen menge, koon das tout?” Oun i lourde dan les an o mouy.

Markus 15:1

Sik taysarlake van i bare rashaya oun i biboldengre phoureder oun čačepangre khetne i tsele pralstoune biboldentsa. Oun yon rakran khetne, hoy te krenn le o Yezouseha. Oun yon pandan les, anan les pash o Pilateste oun dan les an leskre vasta.

Louka 18:33

Yon denn les i čoupniyah, oun marenn les. Oun pal triin divessa krell o Devel les djido.”

Louka 23:1

Oun lauter stan pre, oun anan o Yezouses pash o Pilateste.

Louka 23:11

Oun o Herodes oun leskre lourde san pral leste, rivan leske i rayeskri plaashka an, oun moukan les pale pash o Pilateste te anell.

Louka 23:35

Oun i menshe, kay koy pashel tardo his, dikan kova lauter, hoy o Yezouseha djas. Kol pralstoune bibolde, kay kote tardo hi, san pral leste, oun penan: “Vavaren las yob dran o merepen vin. Te hi lo čačepah o Kristo, ko baro ray, kones o Devel vin rodas, te vell lo pash mende, palle nay djals yob o troushelestar tele.”

Johanni 18:22

Har yob kova penas, das yek kol biboldengro klistendar, kay koy pashel tardo his, o Yezouses an o mouy oun penas: “Har nay rakreh tou yaake o baro rashayeha?”

Johanni 18:28

Kanna anan le o Yezouses dran o Kayafeskro kheer vin, oun anan les an o baro kheer o themeskro rayestar, kay i Remari his. His taysarlake. I bibolde djan gar leha an ko baro kheer dren, te venn le gar pale-čiddo. Yon kaman te nay rhan le ko rhapen ap ko baro dives, kay kharella Passa.

Johanni 18:30

Yon penan ap leste: “Te vals kava morsh gar čilačo, anams les gar pash toute.”

Johanni 18:32

Yaake vas kova čačo, hoy o Yezous pral peskro merepen glan-vi penas.

Johanni 18:35

“Hom me i biboldo?” penas o Pilato. “Tire menshe oun i bare rashaya dan tout an mire vasta. Hoy kral tou?”

Bičepangre 2:23

T'mer dan o Yezouses an i vasta kolendar, kay gar ap o Debleste patsenna. Oun kolla dan les ap o troushel, oun kote meras yob. Oun hoy t'mer leha kran, kova his yaake glan-diklo o Deblestar.

Bičepangre 3:13

Na-a! O Devel o Abrahamestar, oun o Isaakestar oun o Yakobestar, ko Devel mare dadendar sikras t'mende kate, havi bari zoor oun raylepen yob peskro boudepaskres, o Yezouses, das. Koles dan t'mer an o Pilateskre vasta, oun dan les bourhoste, har o Pilato kamas les te djal moukell.