Louka 17:14 - O Debleskro Lab 2024 (Sinte-Manouche)

¹⁴ Oun o Yezous dikas len, oun penas ap lende: “Djan pash o rashayeste, oun sikrenn t'men glan leste!” Oun har yon djan, van yon ap o drom sasto.

O Debleskro Drom 2021 (Sinte)

¹⁴ Un o Jesus dikas len, un penas ap lende: “Djan pash o rashajeste, un sikrenn tumen glan leste!” Un har jon djan, wan jon ap o drom sasto.

Louka 17:14 ပူးပေါင်းရင်းမြစ်များ

2. Rajengro liil 5:14

Koy djas yob tele pash o pani Yordan oun čivas pes tel o pani efta kope yaake har o Debleskro morsh kova penas. Oun leskro mass vas pale sasto har ko mass i tikno čavestar. Oun yob vas sasto ap peskro tselo mass.

Jesaja 65:24

Oun kava vell yaake: Yon dan gomme gar gole, koy dom man glan, oun yon rakrenn gomme, koy shounau me.

Mateo 3:15

Koy penas o Yezous ap leste: “Mouk kova kanna yaake te vell! Hi mishto menge, te kras kova lauter, hoy o Devel mendar kamella.” Oun o Yohanni kras, hoy o Yezous leske penas,

Louka 5:14

Oun o Yezous penas leske: “De yak, te peness kekeske, hoy me touke krom! Dja pash o rashayeste oun sike leste, kay tiro nasslepen toutar djas. Oun an kova glan o Debleste, hoy o Mose penas, te djinenn i menshe, kay tou sasto val!”

Johanni 11:10

An i rat rhačell o kham gar. Koon an i rat ap o drom hi, kova perella.”

Johanni 2:5

Leskri day penas ap i boudepangre: “Krenn kova, hoy yob t'menge penella!”

Johanni 9:7

Oun yob penas ap leste: “Dja pash ko pani Siloam, oun thob tout koy!” Siloam kharella: O Devel bičras man. Koy djas yob oun thovas pes kote. Har yob pale vas, dikas lo nay.